бунунла әлагәдар олараг Ермәнистан Милли Ассамблејасы бејнәлхалг иҹтимаијјәтдән Азәрбајҹан Республикасынын һәрби гүввәләри тәрәфиндән Гарабағ бөлҝәсиндә төрәдилмәкдә олан сојгырымыны писләмәји хаһиш едиб.
Ермәнистан Милли Ассамблејасынын спикери Русија, АБШ, Франса вә дүнјанын диҝәр өлкәләриндән бу барәдә көмәк истәјиб.
Бу мүраҹиәт шүбһәсиз ки, Лачын дәһлизинин тез-тез бағланмасы вә Шуша-Лачын јолунда кечирилән аксија илә бирбаша әлагәдәдир вә рәсми Ирәван Гарабағ ермәниләринин мүһасирәјә алынараг бөлҝәдән говулмаларындан ниҝарандырлар. Һәрчәнд үчтәрәфли разылашманын мүддәаларына әсасән белә бир һадисәнин реаллашмасы мүмкүн нәзәрә ҝәлмир вә Русија истәнилән һалда мәсәләјә мүдахилә едә биләр.
Еһтималлара ҝөрә, Гарабағда јашанан олајлар даһа чох Ермәнистанла мүзакирәләрдә даһа чох дивиденд газанмаға көкләниб вә Әлијев һөкумәти үмид едир ки, Лачын дәһлизинин әвәзинә Нахчыванла гуру әлагәләри јаратмаг үчүн Ермәнистандан охшар статуса малик олан бир дәһлиз алаҹагдыр. Лакин ермәниләр бу мәсәләдә һансыса ҝүзәштә вә сөвдәләшмәјә һазыр дејилләр.
Бундан әлавә Ермәнистан һөкумәти Бакынын истәкләрини нејтраллашдырмаг үчүн әкс-һүҹума кечәрәк сојгырым иддиасыны ортаја атыб вә бу јолла Әлијев һакимијјәтини дурдурмағы һәдәфләјиб.
Јери ҝәлмишкн билдирәк ки, Ермәнистан рәсмиләринин сәјләри нәтиҹәсиндә 2021-ҹи ил декабрын 7-дә Бирләшмиш Милләтләр Тәшкилатына бағлы олан Бејнәлхалг Әдаләт Мәһкәмәси Илһам Әлијев һөкумәтинин Гарабағдакы ермәни мәдәни ирсинә һөрмәтлә јанашмалы олдуғуна даир гәрар гәбул етди.
Һазырда исә Гарабағ ермәниләринин сојгырымы мәсәләси Илһам Әлијев һөкумәтини чыхылмаз вәзијјәтә сала биләр. Чүнки сојгырымы дүнја практикасында һәссасијјәт доғуран мәсәләдир вә ермәниләр Азәрбајҹан гаршысында өз мөвгеләрини ҝүҹләндирмәк үчүн бу картдан истифадә етмәји мәгсәдә ујғун сајырлар. Онлар бу истигамәтдә Гәрб дөвләтләриндән дәстәк алаҹагларына әминдирләр. Хүсусилә дә Әлијев һакимијјәтинин сијаси аренада мөвгејини дәстәкләјәнләрин сајы ҝетдикҹә азалыр. Бу исә о демәкдир ки, нә Азәрбајҹанын Дағлыг Гарабағ үзәриндә нәзарәти тәмин олунур, нә дә Ермәнистаны әсаслы компромисә вадар етмәк мүмкүндүр.
342/