"Тәһја Мисир"-ә истинадән хәбәр верир ки, 61 јашлы мисирли ханым Әфраҹ Әбдүл-Халиг Һаҹыјә ханым Гурани-Кәримә олан севҝисини, әзбәрләмәк вә јазмаг һәвәсини ифадә едәрәк дејиб: "Зүлмәтләрдә гәлбин раһатлығы, ҝөзүн нуру, гәлбин һидајәтидир, нараһатлығы арадан галдырыр, нәфси сакитләшдирир вә инсанын ән јахшы јолдашыдыр. Гураны өзүмә јолдаш сечдим вә нараһат оланда баҹардығым гәдәр Гуран охујурам, һәтта хәстәләнәндә дә Гурана мүраҹиәт едирәм".
Әфәраҹ ханым 58 јашында Гурани-Кәрими өз әли илә јазмаг гәрарына ҝәлиб. О, һәр ҝүн баҹардығы гәдәр ајәләри јазыр, јаша долса да, һеч вахт јорулмурду.
Бу мисирли ханымын Гураны јазмасы бир ҝүн белә дајанмадан ики ил чәкиб.
О дејир: “Аллаһ кәламыны өз әлимлә јазанда өзүмү јахшы һисс едирәм, она ҝөрә дә јазмағы дајандырмадым вә үрәкдән, халис нијјәтлә башладым. Гуран ајәләрини көчүрмәк үчүн дәфтәр вә бир нечә гәләм алдым”.
Алтмыш јашлы бу ханым Гураны әзбәрләмәк үчүн устадларын јанына ҝетмәкдән јорулмур, гоҹалмасына бахмајараг, әзбәрләмәкдә һеч бир проблемлә үзләшмәјиб. Амма о, Гураны әзбәрләмәји өјрәнмәк үчүн Әл-Шәргијјә әјаләтинин Сәгр ушаглары мәркәзинә бағлы Әл-Тобҹи кәндиндәки устадларын јанына ҝетмәјә һәвәсли иди. Һаҹыја Әфәрәҹ 59 јашында бүтүн Гураны әзбәрләди; Амма икинҹи дәфә Гураны тәҹвидлә әзбәрләмәјә башлады.
О, Гураны әзбәрләмәк гәрары һаггында белә дејир: Бир вахт бир проблемә ҝөрә чох әсәбләшдим вә бундан сонра хәстәләндим, Гурана үз тутдум вә баҹардығым гәдәр Гуран ајәләрини охудум. Белә ки, бундан сонра хош вә раһатлыг һисси тапдым вә Гураны әзбәрләмәк гәрарына ҝәлдим.
Әфраҹ дејир ки, Гурани-Кәрими јазмаг фикри телевизијада дини програма бахаркән ағлына ҝәлиб. Бу програмда мисирли бир ханым бир Гуран мүәллиминә телефонла Гурани-Кәрими вә Пејғәмбәрин (с) бир сыра һадисәләрини өз әли илә јаздығыны дејиб. Белә ки, онун өлүмүндән сонра да давам едәҹәк сәдәгәјә чеврилсин.
Әфраҹ дејир: "Мәһз бурада мән Гураны әзбәрләјән устадымла Аллаһын китабыны јазмаг барәдә мәсләһәтләшмәк гәрарына ҝәлдим. О, мәни бу мүһүм иши Аллаһын ризасы үчүн халис нијјәтлә јеринә јетирмәјә тәшвиг етди".
Һаҹы Әфраҹын диплому олмаса да, орта мәктәби јарымчыг гојса да Гураны охујуб әзбәрләмәкдә һеч бир проблеми олмајыб. О, Гураны әзбәрләмәк үчүн иҹазә алыб вә кәндинин ушаг вә гадынларына пулсуз олараг Гураны әзбәрләмәји өјрәдир вә онлары Гураны әзбәрләмәјә вә охумаға давам етмәјә тәшвиг едир.
О дејир: “Үмид едирәм ки, кәндин бүтүн ушаглары, ҝәнҹләри вә гадынлары мәним васитәмлә Гурани-Кәрими әзбәрләјәҹәкләр ки, мән бу ишин шәрәфинә вә савабына наил олум вә Аллаһ-таала да ону мәним хејирхаһ әмәлләримин сырасына дахил етсин. Мән Гуранла үнсијјәт гурмагдан истәјим будур ки, агибәтим јахшы олсун”.