Әһли-Бејт (ә) Хәбәр Аҝентлији

мәнбә : ABNA24
çərşənbə axşamı

29 noyabr 2022

22:03:07
1327392

Рәис: Бөлҝәдә әҹнәбиләрин олмасы тәһлүкәсизлији тәмин етмир

Иран Ислам Республикасы президенти Ирагын баш назири илә кечирдији бирҝә мәтбуат конфрансында бөлҝәдә хариҹи гүввәләрин варлығыны тәнгид едәрәк, дејиб: "Әҹнәбиләрин бөлҝәдә олмасы тәһлүкәсизлији тәмин етмир, јалныз проблемләр јарадыр".

Иран президенти Сејид Ибраһим Рәиси вә рәсми тәмаслар үчүн бу ҝүн Теһрана ҝәлән Ирагын баш назири Мәһәммәд Шиа Әл-Судани бирҝә мәтбуат конфрансы кечириб.

Президент Рәиси конфранс мәтбуатында дејиб: "Реҝионда тәһлүкәсизлик, сүлһ вә сабитлик чох ваҹибдир вә буна ҝөрә дә террор груплашмалары вә наркотикләрлә мүбаризә ики өлкәнин разылашмаларынын бир һиссәсидир".

Рәиси әлавә едиб: "Әҹнәбиләрин бөлҝәдә олмасы тәһлүкәсизлији тәмин етмир, јалныз проблемләр јарадыр. Она ҝөрә дә онларын бөлҝәдән чыхарылмасы реҝионун тәһлүкәсизлијинә бөјүк төһфә верә биләр".

Иран президенти давам едиб: "Бизим Ираг өлкәси илә әлагәләримиз ади әлагәләр дејил, бизим әлагәләримиз ики халгын әгидәсиндән гајнагланыр вә бу, ики халгы вә ики һөкумәти бир араја ҝәтирән чох дәрин бир көкдүр".

Рәиси гејд едиб ки, Ирагын баш назиринин Иранда олмасы ики өлкә мүнасибәтләриндә дөнүш нөгтәсидир вә икитәрәфли данышыглар мүтләг мүнасибәтләрин јахшылашдырылмасы истигамәтиндә бөјүк аддым ола биләр.

Ирагын баш назири Мәһәммәд Шиа Әл-Судани дә бу конфранс мәтбуатында реҝион өлкәләринин терроризм вә мүтәшәккил ҹинајәтләрлә мүбаризәдә әмәкдашлығыны вурғулајараг, дејиб: "Ираг һөкумәтинин сијасәти ондан ибарәтдир ки, бу өлкә реҝион өлкәләринә зәрәр вермәк үчүн башланғыҹ нөгтәси олмасын".

Әл-Судани Ираг һөкумәтинин өз торпагларындан башга өлкәләрә гаршы истифадәјә иҹазә вермәјәҹәјини вурғулајыб.

Ирагын баш назири Ирана сәфәринин мәгсәдинин ики өлкә арасында тарихи әлагәләри ҝүҹләндирмәк олдуғуну билдирәрәк, дејиб: "Ираг халгы вә һөкумәти Ислам Республикасынын ИШИД террорчуларына гаршы дәстәјини унутмур".

342/