Бәһрам Әмирәһмәдјан Азәрбајҹан президентинин Иранла бағлы сон ачыгламаларына мүнасибәт билдирәрәкән дејиб: “Илһам Әлијевин Иранын Ҹәнуби Гафгаздакы реҝионал ролу илә бағлы мөвгеји һүгуги бахымдан гәбуледилмәздир. Чүнки Теһранын Азәрбајҹан Республикасынын әрази бүтөвлүјү илә бағлы һеч бир иддиасы јохдур вә ејни заманда, Иранла Ермәнистан арасында сәрһәд хәтләриндә һәр һансы дәјишиклијә вә Иранын Ермәнистанла гуру әлагәсинин кәсилмәсинә иҹазә вермир.”
Експерт бу бөлҝәдәки мүнагишәләрин тарихинә тохунараг әлавә едиб ки, 2020-ҹи илдә икинҹи Гарабағ мүһарибәсиндән сонра Иран вә Азәрбајҹан арасында мүнасибәтләри арашдырмагла ајдын олур ки, Теһран Азәрбајҹан Республикасынын әрази бүтөвлүјүнү һәр заман ән јүксәк сәвијјәдә мүдафиә едиб.
О вурғулајыб: “Сон ҝәрҝинликләрин көкүнү Азәрбајҹан Республикасы илә Ермәнистан арасында атәшкәс бәјанатында ахтармаг лазымдыр. Чүнки, бу бәјанатын 9-ҹу бәндини Бакы вә Түркијә јанлыш баша дүшүрләр. Бу бәндә әсасән, бөлҝәдә бүтүн игтисади вә нәглијјат фәалијјәтләри манеәсиздир”.
Експерт гејд едиб ки, Ермәнистанын ҹәнубундан кечән коммуникасија хәтләри Ермәнистан һөкумәтинин нәзарәти вә иҹазәси алтында олаҹаг. Һалбуки, Азәрбајҹан Республикасынын иддиасы бејнәлхалг сәрһәдләрин ачыг шәкилдә позулмасыдыр вә бунун Иранын реаксијасы илә үзләшмәси тәбиидир.
Иранын Ермәнистанла сәрһәдинин бағланмасына иҹазә вермәјәҹәјини рәсми шәкилдә билдирмәсинә диггәти чәкән експерт дејиб: “Иранын мөвгеји дүзҝүн вә ганунидир. Ислам Республикасы һәмишә өз гоншулары илә јахшы мүнасибәтләрин тәрәфдарыдыр.”
342/