Британијадакы јашајыш бөһранындан ән чох тәсирләнән ев тәсәррүфатларынын нөвләрини ортаја гојан арашдырма ҝөстәрир ки, тәк јашајан валидејнләрин тәхминән үчдә бири, артан әрзаг гијмәтләри сәбәбијлә јашамаг үчүн јемәкләри ләғв етмәјә әл атыб. Сорғуда иштирак едән тәк валидејнли 10 аиләдән 3-ү әрзаг гијмәтләринин јүксәк олмасы сәбәбиндән јемәкләрини азалтдыгларыны билдириб.
Истеһлакчылар Ассосиасијасынын Сијасәт вә Вәкиллик Директору Роҹио Коча бу һагда дејиб: “Британијадакы аиләләр артан јашајыш хәрҹләри илә мүбаризә апарыр, тәк јашајан валидејнләр чох ҝүман ки, јемәкләри атлајыр вә ја доланмаг үчүн гида банкларына мүраҹиәт едирләр”.
Онун сөзләринә ҝөрә, тәк јашајан валидејнләр вә тәгаүдчүләр бүдҹәләринин бөјүк бир һиссәсини гида, енержи вә јанаҹаға хәрҹләдикләри үчүн ағыр зәрбә алыблар. Ушаглы ҹүтлүкләр үчүн исә бу нисбәт тәхминән дөрддә биринә дүшүр. Лакин бүтүн ев тәсәррүфатлары, бир ил әввәлкиндән хејли чох ҝәлирләрини әсас еһтијаҹлара хәрҹләјирләр.
342/