Кремлин сөзчүсү Дмитри Песков базар ертәси вурғулајыб ки, Гәрб медиасы Иран вә Русијанын бирҝә пилотсуз тәјјарәләр истеһсал етмәк планы илә бағлы дәрҹ олунан мәлуматлара ајдынлыг ҝәтирмәлидир.
Песков "Wасһинҝтон Пост"ун Москванын Теһранла јүзләрлә Иран пилотсуз тәјјарәсинин Русија торпагларында истеһсалына башламаг үчүн сөвдәләшмә имзаладығы барәдә хәбәри илә бағлы суала ҹаваб олараг, дејиб: "Хејр, әсла. Мән "Wасһинҝтон Пост"ун бу мәлуматы һарадан алдығыны билмирәм. Сиз онлардан сорушмалысыныз".
Бу јахынларда Украјна, АБШ вә бир сыра Авропа өлкәләри Русијанын Украјнадакы мүһарибәдә Иран пилотсуз тәјјарәләриндән истифадә етдијинә даир иддиалар ирәли сүрдүләр, һәм Иран, һәм дә Русија бу иддианы рәдд етди.
Иран Ислам Республикасы мүһарибә башлајандан бәри Украјнадакы мүһарибәјә гаршы олдуғуну вурғулајыб, һәтта бунунла бағлы Әмир Абдуллаһијан ики дәфә Украјна хариҹи ишләр назиринин месажыны русијалы һәмкарына чатдырыб.
Иран Ислам Республикасы бундан әввәл дәфәләрлә билдириб ки, Иран вә Русија мүдафиә саһәсиндә әмәкдашлыг едир, лакин Иран Украјнада истифадә үчүн Русијаја һеч бир силаһ ҝөндәрмәјиб.
Иран Ислам Республикасынын хариҹи ишләр назири Һүсејн Әмир Абдуллаһијан бу јахынларда Украјнада баш верән просесләрә мүнасибәт билдирәркән дејиб: "Биз Украјнада мүһарибәнин давам етдирилмәсинин әлејһинәјик вә атәшкәс үчүн чалышырыг".
О әлавә едиб ки, Тәһлүкәсизлик Шурасынын 2231 сајлы гәтнамәсинә әсасән, бизим силаһларын ихраҹы вә идхалына гадағамыз јохдур, лакин Иран Украјна мүһарибәсиндә истифадә етмәк үчүн Русијаја һеч бир силаһ вермәјиб. Бизим мөвгејимиз НАТО-нун реҝионда ҝенишләнмәсинә вә Украјнадакы мүһарибәјә гаршы олмагдыр.
342/