Түркијәнин Истанбул шәһәриндә 6 нәфәрин өлүмү, 81 нәфәрин јараланмасы илә нәтиҹәләнән сон террор актындан сонра Түркијә ордусунун Сурија вә Ирагын шимал бөлҝәләринә һүҹумлары интенсивләшиб. Түркијә һөкумәти Истанбулун Истиглал күчәсиндә баш верән партлајыша ҝөрә Күрдүстан Фәһлә Партијасы ПКК-нын үзвләрини ҝүнаһландырыр вә бу бәһанә илә бу груплашмаја гаршы јени һәрби һүҹумлара башлајыб, ПКК исә бу партлајышда иштиракыны рәдд едиб.
"ИРИБ"-ин мәлуматына ҝөрә, Түркијә мүдафиә назири Һулуси Акар өлкәсинин Ираг вә Суријанын шималындакы бир сыра һәдәфләрә гаршы "Пәнҹә-Гылынҹ" әмәлијјатынын башладығы ҝүндән индијә кими 184 ПКК-чынын зәрәрсизләшдирилдијини билдирәрәк, дејиб: "Бу әмәлијјат бу груплашманын Истанбулда төрәтдикләри сон партлајыша ҹаваб олараг, кечирилир".
Түркијә президенти Рәҹәб Тајјиб Әрдоған да дүнән ахшам билдириб ки, Сурија вә Ирагын шималындакы әмәлијјатлар тәкҹә һава һүҹумлары илә мәһдудлашмајаҹаг.
Түркијә базар ҝүнү сәһәр саатларындан етибарән Сурија вә Ирагын шималында ПКК әлејһинә һүҹумларын јени мәрһәләсини бәрпа едиб.
Бағдад вә Дәмәшгин Түркијәнин бу ики өлкәјә гаршы давамлы һәрби һүҹумларына етиразларына бахмајараг, Анкара ПКК илә мүбаризә бәһанәси илә бу етиразлара мәһәл гојмадан Сурија вә Ирагын бәзи бөлҝәләринә һүҹумларыны ҝүҹләндириб.
342/