Гәтнамәдә һабелә “Азәрбајҹанын сентјабрда Ермәнистан әразисинә һүҹуму писләнир, Бакыја гошунларыны Ермәнистан әразисиндән чыхармасы үчүн” чағырыш едилир.
Гәтнамәдә һабелә Лачын дәһлизинин статусунун дәјишмәјәҹәјинә гарантија тәләб олунур:“Биз һөкумәти Авропа мүттәфигләри илә бирликдә Азәрбајҹанын јени һүҹумларына, Азәрбајҹан лидерләринин мүлкијјәтинин мүсадирәси вә Азәрбајҹанын нефт вә газынын идхалына мүмкүн гадағанын гојулмасына бахылмасы да дахил, ҝүҹлү вә адекват реаксија верилмәсинә чағырырыг”,-гәтнамәдә дејилир.Франса Сенатынын гәтнамәси һабелә Гарабағда һуманитар офисин ачылмасы мәсәләсинә бахылмасына, Ермәнистанын мүдафиә габилијјәтинин артырылмасына чағырыр.Азәрбајҹан Республикасы ХИН-и Франса Сенатынын анти-Азәрбајҹан гәтнамәсини тәхрибат адландырыб.
ХИН һесаб едир ки, гәтнамә тамамилә һәгигәтдән узагдыр вә ачыг тәхрибат характери дашымагла Азәрбајҹанла Ермәнистан арасында мүнасибәтләрин нормаллашмасы просесинә хәләл ҝәтирилмәсинә хидмәт едир: "Һәр һансы һүгуги гүввәјә малик олмајан бу гәтнамә сүлһ просесинә өз төһфәсини вермәк нијјәтини ачыгламыш өлкә кими Франсанын нөвбәти дәфә гәрәзли, биртәрәфли сијаси мөвгејини бариз шәкилдә нүмајиш етдирир".
Азәрбајҹан Халг Ҹәбһәси Партијасынын (АХҸП) сәдри Әли Кәримли исә Илһам Әлијев һакимијјәтинин дә мәсулијјәт дашыдығыны билдирир вә бу гәтнамәни кичилтмәмәјә чағырыр
“Ермәни тәәссүбкешлији мәҝәр Франсада буҝүнләрдә јараныб? Әлијевләр Франсаны Минск групуна дәвәт едәндә бөјүк ермәни диаспорасынын бу өлкәнин сијасәтинә тәсирини билмирдиләр? Бәс Илһам Әлијевин һәјат јолдашы Меһрибан Әлијева Франса ордени илә тәлтиф олунанда, Азәрбајҹанын милјонлары Франса музејләринин тәмиринә хәрҹләнәндә бу өлкә ермәнипәрәст дејилди?”, Әли Кәримли дејиб.АХҸП сәдри Илһам Әлијев һөкумәтини коррупсија вә репрессија чемпиону адландырыб вә бунунла да дүнјада дост, тәрәфдар газанмағын мүмкүн олмадығыны билдириб.Азәрбајҹан Республикасы парламентинин комитә сәдри Зијафәт Әсҝәров да Франсанын сүлһ данышыгларында иштиракындан имтина олуннмасына чағырыб.
“Франсанын һәр һансы формада Азәрбајҹан вә Ермәнистан арасында мүнасибәтләрин нормаллашмасы просесиндә, сүлһ данышыгларында иштиракындан имтина олунмалыдыр”,- комитә сәдри дејиб.Милли Мәҹлисин бу ҝүн кечириилән иҹласында да депутатлар Франса Сенатында Азәрбајҹана гаршы гәбул едилән гәтнамәјә реаксија верибләр.Депутат Рамин Мәммәдов Сенатын гәтнамәсинә гаршылыг олараг Әлҹәзаир сојгырымы барәдә Азәрбајҹан парламентиндә дә динләмәләрин кечирилмәсини тәклиф едиб.
Депутат Ваһид Әһмәдов исә тәклиф едиб ки, ишчи груп јарадылсын вә Милли Мәҹлис адындан Франсаја сијаси ҹаваб верилсин.