СәһәрАзәри-нин мәлуматына әсасән, БМТ Баш Ассамблејасынын јерли вахтла базар ертәси ҝүнү башланан нөвбәдәнкәнар јығынҹағы чәршәнбә ҝүнү давам етдирилиб.
Кечирилән сәсвермәдә БМТ-нин 143 үзвү Русијанын писләнилмәси үзрә гәтнамә лајиһәсинин леһинә, беш өлкә әлејһинә, 35 өлкә исә тәрәфсиз сәс вериб.
Русија, үстәҝәл дөрд өлкә- Беларус, Шимали Кореја, Сурија вә Никарагуа гәтнамәнин әлејһинә, Чин исә тәрәфсиз сәс верибләр.
Иран Ислам Республикасы вә Венесуела сәсвермә јығынҹағында иштирак етмәјибләр.
БМТ Баш Ассамблејасы јерли вахтла чәршәнбә ҝүнү өз леһинә сәси вә гәтнамәси илә, Русијанын Украјнанын бәзи бөлҝәләриндә кечирдији референдуму ганунсуз адландырыб, писләјиб вә бу өлкәни һәмин илһагетмәни ләғв етмәјә чағырыбдыр.
БМТ Баш Ассамблејасы бу гәтнамәни гәбул етмәклә Донетск, Херсон, Луганск вә Запороже бөлҝәләринин илһагыны писләјиб, Русијанын һәрәкәтләрини бејнәлхалг ганунлара әсасән, ганунсуз адландырыб. Ассамблеја бүтүн өлкәләри вә бејнәлхалг тәшкилатлары Украјна бөлҝәләринин вәзијјәтиндә һеч бир дәјишиклији танымамаға чағырыб.
Ассамблеја һәмчинин Русијадан истәјибдир ки, Украјна бөлҝәләринин вәзијјәти барәдәки гәрарларыны дәрһал вә һеч бир гејд-шәрт олмадан ҝери ҝөтүрсүн.
БМТ Баш Ассамблејасынын гәтнамәләри иҹбари олмаса да Гәрб, Русијаја гаршы бејнәлхалг тәзјигләри даһа да артырмаға чалышыр.
Украјнанын шәргиндә јерләшән Донбасын дөрд шәрг бөлҝәсиндә- Донетск, Херсон, Луганск вә Запороже бөлҝәләриндә Русија әразисинә илһаг үзрә референдум, сентјабрын 23-дән 27-дәк кечирилиб.
Русијаја гатылмаға, Донетск бөлҝәсиндә 99,23, Луганскда 98,42, Херсонда 87,5, Запорожједә исә 90,1 фаизлик дәстәк верилиб.
Русија президенти сентјабрын отузунда Украјнанын дөрд бөлҝәсинин бу өлкәјә илһагы барәдәки мүаһидәләри бир мәрасимдә рәсмән имзалајыб.
342/