Ираг Мүсәлман Үләма Ҹамаатынын рәһбәри Халид Әбдүл-Вәһһаб Әјјуб Әл-Молла бу ҝүн, октјабрын 12-дә Теһранда кечирилән 36-ҹы Бејнәлхалг Ислами Вәһдәт Конфрансында чыхышы заманы шәһид Гасим Сүлејмани вә шәһид Әбу Меһди Әл-Мүһәндиси еһтирамла јад едәрәк дејиб: "Бу дүнја конфрансы дүнјанын үзләшдији мүрәккәб шәраитдә кечирилир вә Иран халгынын чәтин шәраитдә динини горујан вә рәһбәри Ајәтуллаһ Хаменеијә итаәт едән, үммәт мәсәләләринә хүсуси диггәт јетирән бир халг олдуғуну ҝөстәрир".
О әлавә едиб: "Иран Фәләстиндә, Ливанда, Ирагда вә дүнјанын диҝәр шәрг вә гәрб халгларында үммәтин мәсәләләринә диггәт јетирир вә буна ҝөрә дә һәдәф алыныр".
Бу ираглы алим дејиб ки, инсанлар ики групдур: "Ја дин бахымындан сизинлә гардашдырлар, ја да јарадылыш бахымындан сизә бәнзәјирләр". Биз бу мәсәләјә диггәт јетирмәли вә бирлијә чатмалыјыг.
Халид Әл-Молла гејд едиб ки, Аллаһ јолунда ән бөјүк ҹиһад залым һакимә гаршы һагг сөзү демәкдир. Онлар һагг сөзү демәли вә мүсәлманлара һаким олан гүввәләрә реаксија вермәлидирләр.
О, сон вахтлар Ислам өлкәләриндә јашанан ҝәрҝинлијә вә бу өлкәләрдәки күчә етиразларына тохунараг дејиб: "Дүшмәнләр шиәләрлә сүнниләр арасында ихтилаф јарада билмәдикдән, ИШИД вә тәкфирчи груплашмалар јаратдыгдан сонра күчә етиразларына, о ҹүмләдән һиҹабын ҝөтүрүлмәси үчүн етираз аксијаларына шәраит јарадыблар. Ираг, Иран, Ливан вә Суријада инсанлары етираза сөвг едирләр".
Халид Әл-Молла деди: "Истикбар фитнә-фәсад төрәтмәјә чалышыр вә мүсәлманларын малыны таламаг истәјир. Амма бу програмлар галиб ҝәлмәјәҹәк вә өвладларымызын өлдүрүлмәсинә бахмајараг, биз һәмрәј олуб мүгавимәти давам етдирәҹәјик".
342/