Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Шејх Ибраһим
Зәкзәки "Әл-Аләм" телеканалы илә сөһбәт едәрәк мүсаһибә верибдир.
О, мүсаһибәси заманы Зарија Гәтламында шәһид оланларын сајы барәдә дејиб: “Һакимијјәт бу барәдә мүхтәлиф јаланлар данышыб. Биринҹи дәфә дејирдиләр ки, бир нәфәр дә олсун өлмәјиб, амма сонра дедиләр ки, орду ҹәми 17 нәфәри өлдүрүб, лакин үмумиликдә топладығымыз адлара әсасән, миндән чох адам өлдүрүб вә һәтта даһа чох адам бу фәлакәтдә һәлак олублар.”
Шејх Ибраһим Зәкзәки Әл-Аләм Шәбәкәси илә хүсуси сөһбәтиндә белә дејиб: “Сәудијјә вәлиәһди “Неw Јорк Тимес” гәзети илә сөһбәтиндә тәһдид тонунда дејиб ки, Африкада Һизбуллаһа бәнзәр һәрәкаты јатыртдылар вә бу һәрәкатын лидери Зәкзәкијә Ирандакы кими бир Ислам һөкумәти гурмаға мане олдулар.”
О, сөзүнүн давамында вурғу илә билдириб: “Гејд едим ки, Сәудијјә Әрәбистаны бу фаҹиәнин әсас сәбәбкары дејилди, АБШ вә Инҝилтәрә адындан чыхыш едәрәк Вашингтон вә Лондонун әмрләрини јеринә јетирди.”
Әл Аләм журналистинин “Сизҹә, мәзлум өлкәләр вармы ки, Иран Ислам Республикасындан өрнәк ҝөтүрүб Гәрб дөвләтләринин сәртләри гаршысында өзләрини горуја, мөһкәмләнә билсинләр?” суалыны ҹавабландыран Шејх Зәкзәки белә дејидләр:
“Инсанлар модели Иран Ислам Республикасында ҝөрүбләр; Һәмишә дејирәм ки, Ирандан нүмунә ҝөтүрән Никарагуа кими ислами олмајан бәзи өлкәләрдә халг ҝүҹлүдүр вә муздлулары хариҹә говдулар. Онлар Һаитидә Ведалианы говдулар, Филиппиндә Маркосу говдулар, бүтүн бунлар Ирандакы Ислам ингилабынын нәтиҹәләри иди, чүнки онлар анладылар ки, ҝүҹ дөвләтдә вә һөкумәт дејилдир, гүдрәт халгын бирлијиндәдир.
Бу өлкәләр Ислам дејилди, лакин Ислам ингилабындан нүмунә ҝөтүрдүләр. Һәмчинин, ингилабдан әввәл дүнјада мәлум олмајан Әһли-бејт мәктәбинин ҝенишләнмәси. Бу, Ислам Ингилабынын нәтиҹәләриндән биридир.
Һәбсханада оланда анладым ки, һәбсханадакы ишчиләр шиәләри чох јахшы таныјырлар. Һаҹы Гасым Сүлејманинин шәһадәтиндән сонра онларла сөһбәт едирдик вә онун һаггында [нә дәрәҹәдә] мәлуматлы олдугларыны анладыг.”
Диггәт: Хәбәрдән Истифадә Етдикдә Мәнбәјә Истинад Лазымдыр!