Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Јәмәнин Әнсаруллаһ
һәрәкатынын лидери Сејид Әбдүлмәлик Бәдрәддин әл-Һуси Ислам Пејғәмбәринин (с) мөвлудунун
илдөнүмү мүнасибәти илә видеоконфранс формасында чыхыш едиб.
Сејид Әбдүлмәлик әл-Һуси чыхышы хаманы билдириб: “Залымлар вә тағут гүввәләри инсанлары пејғәмбәрләрдән, илаһи тәлимләрдән узаглашдырмаға, дин ады алтында дини тәһриф етмәјә, фитнә-фәсад вә писликләри, һарам әлагәләри, һомосексуаллыг кими чиркин ҹинајәтләри јајмаға чалышырлар.”
Јәмәнин Әнсаруллаһ һәрәкатынын лидери гејд едиб: “Бүтүн залым вә тағут гүввәләр ки, һазыркы дөвүрдә Америка, Исраил вә онларын мүттәфигләридир, һамысынын бүтүн сәјләри вә амаллары инсанлары нур јолундан чыхарыб зүлмәтә чәкмәкдир.”
О, гәрблиләри дүнја халглары фитнә-фәсад батаглығына чәкмәк ҹәһдләринә ҝөрә хәбәрдар едәрк билдириб: “Мән Гәрб лидерләриндән хаһиш едирәм ки, онлары фәтһ едән вә јолдан чыхаран сионизм шәриндән хилас олсунлар.”
Сејид Әбдүлмәлик әл-Һуси әлавә едиб: “Биз Ислам үммәтинин мәсәләләриндә принсипиал вә Гурани мөвгејимизи вурғулајырыг вә бунун ән башында Фәләстин вә Мәсҹидүл-Әгса мәсәләси дајаныр. Сионист режимлә мүнасибәтләри нормаллашдырмаг Аллаһа, Рәсулуна вә мүсәлманлара хәјанәтдир вә һеч шүбһәсиз, ачыг-ашкар икиүзлүлүкдүр.”
Диггәт: Хәбәрдән Истифадә Етдикдә Мәнбәјә Истинад Лазымдыр!