Дөвләт Департаментинин бәјанатында дејилир: “Дөвләт катиби Блинкен Азәрбајҹан вә Ермәнистанын давамлы сүлһ сазишинин әлдә едилмәси истигамәтиндә атдығы мүсбәт аддымлары, о ҹүмләдән ики өлкәнин хариҹи ишләр назирләри вә лидерләри арасында сон бирбаша данышыглары јүксәк гијмәтләндирдијини билдириб.
Блинкен “Октјабрын 4-дә Азәрбајҹанын 17 һәрби әсиринин азад едилмәсини алгышлајыб вә президент Әлијеви сүлһ просесини дәстәкләмәк үчүн вахтында аддымлар атмаға давам етмәјә чағырыб”, хәбәрдә дејилир.
Блинкен, һәмчинин сәрһәдләрин дәгиг делимитасијасы, нәглијјат әлагәләри, иткин дүшән шәхсләрин ахтарышы вә мүәјјәнләшдирилмәси, мәһбусларын гајтарылмасы вә диҝәр мәсәләләр дә дахил олмагла, АБШ-ын дәстәјини бир даһа тәсдигләјиб.
"О, Дағлыг Гарабағ әһалисинин һүгуг вә тәминатларын мүзакирәсинин ваҹиблијини вә һәр ики тәрәфин атәшкәс режимини сахламасынын вә давамлы сүлһә апаран јеҝанә јол кими данышыглар јолу илә әлдә едилмиш разылашмалара диггәт јетирмәсинин ваҹиблијини вурғулајыб", - Дөвләт Департаментиндән билдирибләр.
Гејд едәк ки, һәмин ҝүн Блинкен Ермәнистанын баш назири Пашинјанла телефон данышығы апарыб. Ермәнистан тәрәфинин мәлуматына ҝөрә, ејни мәсәләләр мүзакирә олунуб.
Бирләшмиш Штатлар Ҹәнуби Гафгаздакы нүфуз савашында Русијаны сүлһ просесиндән узаглашдырмаға чалышыр, бу исә Кремли гәзәбләндирир. Русија һөкумәти әввәл-ахыр сүлһ сазишинин үчтәрәфли бәјанат әсасында әлдә олуна биләҹәјини мүмкүн сајыр.
342/