Јәмән Силаһлы Гүввәләринин сөзчүсү бригада ҝенералы Јәһја Сәри базар ҝүнү ахшам дејиб: "Тәҹавүзкар өлкәләр Јәмән халгына өз нефт сәрвәтләрини мааш мүгабилиндә истисмар етмәк һүгугу верән атәшкәсә садиг галмадыглары үчүн Бирләшмиш Әрәб Әмирликләри вә Сәудијјә Әрәбистанында фәалијјәт ҝөстәрән нефт ширкәтләринә вәзијјәтләрини низамламаг вә бу өлкәләри тәрк етмәк имканы веририк".
О, әлавә едиб: "Әҝәр Әрәбистан вә Әмирлик Јәмән халгыны өз ресурсларындан мәһрум етмәкдә исрар етсәләр, силаһлы гүввәләримиз онлары өз ресурсларындан мәһрум етмәјә гадирдир".
Јәмәндә ики ајлыг атәшкәс 2 апрел 2022-ҹи илдә башлады, лакин БМТ-нин Јәмән үзрә хүсуси нүмајәндәси апрелин 1-дә Јәмәндәки мүнагишә тәрәфләринин илкин разылашма илә ејни шәртләрлә разылашдыгларыны вә атәшкәсин даһа ики ај узадылдығыны вә сонра атәшкәсин икинҹи дәфә октјабрын 2-дәк узадылдығыны билдириб.
Бундан әввәл Јәмәнин Али Сијаси Шурасынын рәһбәри Меһди Әл-Мәшат демишди ки, сәуд коалисијасынын атәшкәси дәфәләрлә позмасы нәтиҹәсиндә демәк олар ки, Јәмәндә атәшкәс мәһв едилиб.
Сәудијјә Әрәбистаны 2015-ҹи ил мартын 26-дан Бирләшмиш Әрәб Әмирликләри (БӘӘ) дахил олмагла бир нечә әрәб өлкәсинин коалисијасы шәклиндә вә АБШ-ын јардымы вә јашыл ишығы вә сионист режимин дәстәји илә Јәмәнә гаршы ҝенишмигјаслы һүҹумлара башлајыб.
Јәмәнә гаршы 7 иллик тәҹавүздән, минләрлә инсаны гәтлә јетирдикдән вә өлкәнин бүтүн инфраструктуруну дағытдыгдан сонра бу өлкәләр нәинки мәгсәдләринә чатмадылар, һәтта Јәмән силаһлы гүввәләринин өз әразиләринин дәринликләринә ендирдији ракет вә пилотсуз тәјјарә зәрбәләриндән сонра атәшкәси гәбул етмәјә мәҹбур олдулар.
Артыг 6 ајдыр давам едән бу атәшкәс режими тәҹавүзкарлар тәрәфиндән минләрлә дәфә позулуб вә онун бәзи бәндләрини һәјата кечирмәкдән имтина едибләр.
342/