Јени статистикалар бу гасырғанын ҝениш мигјасындан сөз ачыр. «Јан» гасырғасы индијәдәк онларла нәфәрин һәјатына сон гојуб.
Өләнләрин һазыркы сајынын мүвәггәти олмасы вә онун гаршыдакы ҝүнләрдә артмасы имканындан сөз ачан Флорида штатынын башчылары дејибләр ки, һәлак оланларын әксәр һиссәси гәрг олубдур.
Тәкҹә «Ли» шәһәриндә отуз беш өлү гејдә алыныб. НБҸ вә ҸБС телеканаллары кими Америка медиалары гасырға илә бағлы бирбаша вә долајысы сурәтдә јетмишдән чох өлүм һалыны гејдә алыблар.
Тәсдиг едилмиш һәлак оланларын јарысыны тәшкил едән шәһәр сакинләриндән 600 мин нәфәрдән чох инсанын тәхлијә едилмәси ҝөстәришинин ҝеҹ чатмасы барәдә шәнбә ҝүнү баш вермиш галмагал јүксәлибдир.
«Нју-Јорк Тајмс» гәзети билдирир ки, бу ҝөстәриш чәршәнбә ахшамы ҝүнү сәһәр верилиб, һалбуки гоншу шәһәрләр өз сакинләриндән шәһәри бошалтмаларыны базар ертәси ҝүнү истәмишдиләр.
Һиддәтләнмиш сакинләрдән олан вә Америка рәсмиләрини тәнгид едән «Чип Фарар» Франс-Пресс-ә дејиб: Һеч кәс бизә демир ки, нә едәк? Һеч кәс бизә демир ки, һараја ҝедәк?
Бу гырх үч јашлы киши сонра сөјләјиб: Тәхлијә ҝөстәриши чох ҝеҹ верилди. Амма орада олан шәхсләрин әксәр һиссәси һәр һалда ораны тәрк етмәздиләр. Бура, олдугҹа фәһлә мәканыдыр. Әксәр инсанларын ҝетмәјә јерләри јохдур. Бу, ән бөјүк проблемдир.
Мајамидә јерләшән милли гасырға мәркәзинин билдирдијинә ҝөрә, «Јан» гасырғасы Флориданы дағытдыгдан сонра Ҹәнуби Каролинаја доғру һәрәкәт едиб вә ҹүмә ҝүнү ахшам «Ҹорҹ Таун»ун јахынлығында биринҹи дәрәҹәли гасырға кими, саатда 140 километр сүрәтә малик күләкләрлә дахил олубдур.
342/