сепаратчыларын дырнагарасы хариҹи ишләр назири Давит Бабајан сентјабрын 28-дә Калифорнија Университетиндә “Артсахын хариҹи сијасәти вә дөвләт гуруҹулуғу” мөвзусунда мүһазирә охујуб.
Мүһазирәдән әввәл о вурғулајыб ки, бүтүн хариҹи сәфәрләри заманы бу ҹүр ҝөрүшләрин гаршылыглы фајдасыны нәзәрә алараг мүхтәлиф елм вә тәһсил мүәссисәләриндә ҝөрүшләр кечирмәјә чалышыр.
Давит Бабајан һәмчинин АБШ-ын Калифорнија штатынын Монтебелло шәһәринә сәфәр едиб.
Сәфәрин әввәлиндә сепаратчы мәмур гондарма Ермәни Сојгырымы Мемориал Комплексиндә сојгырымы гурбанларынын хатирәсини еһтирамла јад едиб. Бундан сонра Давит Бабајан илә Монтебелло шәһәринин мери Кимберли Анн Кобос-Куторни арасында ҝөрүш баш тутуб.
Ҝөрүшдә гондарма режимин АБШ вә Канададакы даими нүмајәндәси Роберт Аветисјан да иштирак едиб.
342/