Рубен Мелконјан дејиб ки, әҝәр алтернатив тәһлүкәсизлик механизмләри варса, о заман онлары тәгдим етмәк вә тез бир заманда ишә салмаг лазымдыр.
“Анҹаг онлар мөвҹуддурму? Нә һакимијјәт органлары, нә дә експертләр реал имканлары ҝөрмүрләр. Јалныз јүз ил әввәл Севр мүгавиләсиндән илһам алмыш бош популист бәјанатлар вермәклә кифајәтләнирләр ”,- дејә експерт билдириб.
Түркологун фикринҹә, һакимијјәтин һәрәкәтсизлији уҹбатындан реаллашмајан бир чох имканлар вар.
Гәрбин Ермәнистана көмәк етмәјә һазыр олмасы илә бағлы бәјанатлара мүнасибәт билдирән Мелконјан гејд едиб ки, Украјнаја дүнјанын һәр јериндән һансы силаһларын верилдији ајдындыр.
“Билирик ки, онлар Ермәнистан ордусуна да еффектив әкс-һүҹум етмәкдә көмәк етмәк үчүн чох тез ултра-модерн силаһлар верә биләрләр”,- дејә билдириб.
Сентјабрын 16-да Ермәнистан Тәһлүкәсизлик Шурасынын катиби Армен Григорјан билдирмишди ки, Ермәнистан КТМТ-јә мүраҹиәт едәрәк, өз суверенлијини горумаг үчүн һәрби вә һәрби-сијаси јардымын ҝөстәрилмәсинә вә Азәрбајҹан гошунларынын өз суверен әразиләриндән чыхарылмасына үмид едир. Лакин бу ҝүнә гәдәр бунлар јеринә јетирилмәјиб вә Ирәванын ҝөзләнтиләри өзүнү доғрултмады.
Ејни заманда о билдириб ки, һазырда Ермәнистанын КТМТ-дән чыхмаг мәсәләси ҝүндәмдә дејил.
342/