Сејид Ибраһим Рәиси Америка хариҹи сијасәт експертләриндән бир групу илә ҝөрүшдә Иранын, әҹнәбиләрин реҝион мәсәләләринә гарышмамаларына тәкид етмәсинин дәлилләриндән бири барәдә дејиб: Әфганыстан халгынын буҝүнкү дуруму Американын 20 илдән чох олан ишғалы вә мүдахиләсинин нәтиҹәсидир вә НАТО гүввәләри бу өлкәдәдирләр.
Рәиси әлавә едиб: Иран Ислам Республикасы нүвә анлашмасындан чыхмајыб вә бу анлашмадакы бүтүн өһдәликләринә дә әмәл едибдир. Анлашмадан чыхан, мәһз Америка вә өз өһдәликләрини јеринә јетирмәјән Авропа өлкәләри олублар.
Иран президенти сөјләјиб: Атом Енержиси үзрә Бејнәлхалг Аҝентлик Иран Ислам Республикасынын нүвә фәалијјәтләринин аҝентлијин гајдаларындан јајынмадығы вә бу фәалијјәтләрин динҹ мәгсәдли олдуғуну индијәдәк он беш дәфә вурғулајыбдыр.
Рәиси дејиб: Иранын јерләшдији реҝионда бир нечә диҝәр тәрәф нүвә фәалијјәтләри вә һәтта атом силаһларынын истеһсалы илә бағлы фәалијјәтләр ҝөстәрир, һалбуки нә аҝентлик, нә дә ки, дүнјадакы иддиалы өлкәләр онара гаршы һәссаслыг ҝөстәрмирләр.
Иран президенти әлавә едиб: Гәрб өлкәләри әҝәр демократијаны һимајә барәдәки иддиаларында садигдирләрсә, јәһуди, христиан вә мүсәлман олмаларындан асылы олмајараг, бүтүн фәләстинлиләрин иштиракы илә азад сечкиләрин кечирилимәсинә шәраит јаратсынлар ки, өзләри өз талеләри үчүн гәрар чыхармыш олсунлар.
Иран президенти Украјна дөјүшләринә дә тохунуб: Иранын өзү Американын вә авропалы өлкәләрин һимајәләри вә тәһрикләри илә бу өлкәјә иҹбар едилән сәккизиллик мүһарибәнин аҹы тәҹрүбәсини кечиб. Буна ҝөрә, бу дөјүшләрин дәрһал дајандырылмасы вә васитәчилик үчүн өзүнүн бүтүн имканларындан истифадә едәҹәк.
Рәиси гәрбли инсан һүгуглары иддиачыларынын мејарларыны икили адландырыб вә сөјләјиб: Инсан һүгугларыны һимајә иддиачылары Америкада вә Гәрб өлкәләриндә гадын вә кишиләрин полис гүввәләри тәрәфиндән өлдүрүлмәләри барәдә рәсми мәлумат вә хәбәрләр гаршысында һәссаслыг ҝөстәрмирләр.
342/