Һәзрәт Ајәтуллаһулузма Хаменеи бу ҝүн мүгәддәс мүдафиә ветеранларынын зәһмәтләринин дәјәрләндирилмәси мәрасиминдә әлавә едибләр: Бејнәлхалг ҝүҹләрин гүдрәт диванәси вә мәнсәбпәрәст Сәддамы һәртәрәфли шәкилдә һимајә етмәләринә рәғмән, мүһарибә «Ингилабын ҹошан гүдрәти, Имам Хомејни(р.ә)-ын олдугҹа тәсирли рәһбәрлији вә Иран халгынын ҝөркәмли вә дәјәрли хүсусијјәтләри» кими үч елемент сајәсиндә, мүтләг вә бөјүк бир тәһдиддән бөјүк бир фүрсәтә чеврилди.
Мүгәддәс мүдафиәни өлкәнин бу ҝүнү вә сабаһы үчүн чох фајдалы, мәналы вә һәјәҹанлы бир һадисә адландыран Иран Ислам Республикасы Силаһлы Гүввәләринин Али Баш Команданы Гәрб тәрәфиндән бу иҹбари мүһарибә барәдә јајылан сәнәд вә фактлара ишарә илә, әлавә едибләр: Мүһарибәнин Ирана иҹбар етдирилмәси, бејнәлхалг һеҝемонларын Ислам Ингилабынын гәләбәсинә олан тәбии реаксијалары иди вә Иран халгынын ингилабы сырф олараг, асылы вә позғун бир режимин мәғлубијјәти вә бир заман кәсијиндә Америка илә империализмә вурулан бир зәрбә дејилди, һәм дә һеҝемончулуг системинин империјасына гаршы бир тәһдид иди. Бу тәһдидин дәринлијини дәрк едән Гәрб вә Шәргин залым гүввәләри Сәддамы тәшвиг вә тәһрик етмәклә мүһарибәни Иран халгына иҹбар етдиләр.
Ирана гаршы иҹбари мүһарибәдә мәгсәдин, Иран халгынын диҝәр халглара Америкадан горхмамаг вә бејнәлхалг ајры-сечкилик вә зүлм гаршысында мүгавимәт ҝөстәрмәк кими јени сөзләри вә мүраҹиәтинин өтүрүлмәсинин гаршысыны алмаг олдуғуну билдирән Һәзрәт Ајәтуллаһулузма Хаменеи әлавә едибләр: Мәһз Американын тамаһкарлыг, истинад вә үмид нөгтәси сајылан бир өлкәдә мүстәгил вә илһамвериҹи сијаси гурулушун мејдана ҝәлмәси Америка вә һеҝемончулар үчүн сон дәрәҹә дөзүлмәз иди. Буна ҝөрә, чеврилиш, Тәбәсә һүҹум вә гөвмләри тәһрикетмә кими уғурсуз һәрәкәтләрдән сонра онлар Иран халгына ҝениш мигјаслы бир мүһарибәни иҹбар етдиләр.
Иран Ислам Республикасы Силаһлы Гүввәләринин Али Баш Команданы диҝәр халглара ибрәт дәрси вермәји, бејнәлхалг експансинистләрин Ирана гаршы иҹбари мүһарибәни салмагдакы мәгсәдләриндән адландырыб вә әлавә едибләр: Онлар Иран халгыны јатырмагла мүгавимәтин ачылмыш гапысыны тамамилә бағламаг истәјирдиләр, амма халг империализм ҹәбһәсинин бүтүн һәдәфләрини зәрәрсизләшдирди вә дүшмәнләрин тәсәввүр етдикләринин әксинә олараг, өзүнү јүксәлтди вә бир чох фүрсәтләр јаратды.
Мүхтәлиф сијаси, игтисади вә мәдәни мәсәләләрдә мүгавимәт принсипиндән истифадәјә ишарә едән Ислам Ингилабынын Бөјүк Рәһбәри вурғулајыблар: Мүгәддәс мүдафиәнин дахилиндә исбат едилди ки, дүшмәнин тәһдидләри гаршысында чәкиндириҹилик вә өлкәнин горунмасы, јалныз мүгавимәт јолу илә әлдә олунур.
342/