Бу кәдәрли һадисәдән сонра Иран Ислам Республикасынын президенти Сејид Ибраһим Рәиси дахили ишләр назири Әһмәд Вәһидијә ҝөстәриш верди ки, мәсәләнин сәбәби вә деталларыны тәҹиллик вә дәгигликлә өзәл шәкилдә арашдырыб, нәтиҹәни хәбәр версин.
Иранын мәһкәмә һакимијјәтинин сәдри, прокурору вә парламентинин сәдри дә бу мәсәләни изләјирләр.
Иран Ислам Республикасынын бүтүн мәсул шәхсләринин Мәһса Әмининин вәфатынын ҹәһәтләринин там шәкилдә тәһгиг едилиб, арашдырылмасыны истәдикләри бир шәраитдә, кечмишдә олдуғу киими, хариҹдә мәскунлашмыш медиаларын тәһрикләри вә мүтәшәккил үнсүрләрин дахил олмалары илә Иранын бәзи шәһәрләриндә аксијалар башланды.
Мәшһәддә бир полис мәмуру шүбһәли шәхсләр тәрәфиндән јандырылды.
Иранын шималында јерләшән Рәшт шәһәриндә бир груп иғтишашчы һеч бир вәҹһлә Иран халгынын мәдәнијјәтилә ујғун ҝәлмәјән бир һәрәкәтдә бир мәсҹиди јандырыбдыр. Һәмчинин Һәмәданда бир имамзадә јандырылыб.
Хејли сајда бөлҝәдә дә бир нечә полис иғтишашчылар тәрәфиндән дөјүлүб вә онлара хәсарәт вурулубдур. Онларын бәзиләринин ҹисмани вәзијјәти мүнасиб елан олунмајыбдыр.
Иран бајрағына һөрмәтсизлик, тәҹили јардым машынларына һүҹум вә тәхрибат, һиҹаблы ханымлара һүҹум, диҝәр мөвзулардан олуб, бу һәрәкәтләрин халгын иши олмадығыны вә онларын Мәһса Әмини үчүн матәм сахламагла әлагәси олмадығыны даһа ајдын шәкилдә үзә чыхарыр.
Теһранын бәзи рајонларында һазыр олан бәзи шәхсләр билдирирләр ки, бу аксијалардакы бәзи өзәкләр мәгсәдјөнлү вә ҝениш тәхрибатла һәрәкәт едирләр ки, бу да онларын өнҹәдән тәлим ҝөрмәләри вә координасијаларындан сөз ачыр.
Медиа чәтри алтында анти-Иран һәрәкәтләрә, иғтишаш вә чахнашмаја тәһрик едән сәудијјә медиасы олан «Иран Интернәшнал» вә Инҝилтәрә һөкумәтинин табелијиндә олан фарсҹа јајымланан ББҸ каналы, кечмишдә олдуғу кими мејдан сулајырлар.