Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, ишғалчы Түркијә
мүдафиә назири иддиа едиб ки, Ирагын шималында "Пәнҹә-Килид" адлы антитеррор
әмәлијјатларынын апарылдығы бөлҝәдә Күрдүстан Фәһлә Партијасы ПКК-нин 371 үзвү мәһв
едилиб.
Күрдүстан Фәһлә Партијасы ПКК вә онун суријалы ганады олан ЈПҜ-ни террор тәшкилатлары сијаһысына салан Түркијә һөкумәти сон ајларда Бағдад рәсмиләринин хәбәрдарлығына мәһәл гојмадан вә бу груплашмаларла мүбаризә бәһанәси илә Ирагын шималында тез-тез гуру әмәлијјатлары, һава һүҹумлары вә артиллерија бомбардманлары һәјата кечирир, һансы ки, бу һүҹумлардан ән өлүмҹүлү 9 нәфәрин өлүмү, 23 нәфәрин исә јараланмасы илә нәтиҹәләнән кечән ај Доһук вилајәтиндәки бир әјләнҹә мәркәзинә едилән һүҹум олуб.
Бағдад рәсмиләри дәфәләрлә Түркијә һөкумәтиндән Ирагын суверенлијинин позулмасына сон гојмағы вә гүввәләрини бу өлкәнин шималындан чыхармағы тәләб едибләр, лакин Түркијә һөкумәти бу тәләбләрә мәһәл гојмајараг, өз тәҹавүзүнү давам етдирир.
Түркијәнин мүдафиә назири Һулуси Акар Анкарада һаким Әдаләт вә Инкишаф Партијасынын мәшвәрәт шурасынын топлантысы өнҹәси журналистләрә ачыгламасында бу әмәлијјатда индијәдәк 400-дән чох сығынаҹаг вә мағаранын мәһв едилдијини, 371 террорчунун зәрәрсизләшдирилдијини билдириб.
Түркијәнин "террорун мәнбәјиндә мәһв едилмәси" дејилән стратеҝија илә давам етдијини билдирән Акар дејиб: "Сон террорчу мәһв едиләнә гәдәр террорла мүбаризә артан темплә, һүҹумчу бир јанашма илә давам едәҹәк".
Диггәт: Хәбәрдән Истифадә Етдикдә Мәнбәјә Истинад Лазымдыр!