Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Ермәнистан
парламентинин спикери Ален Симонјан Ермәнистанын Иҹтимаи каналына ачыгламасында
Азәрбајҹана нәглијјат дәһлизи верилмәјәҹәјини вурғулајыб.
Симонјан бу һагда дејиб: “Бу, суверенлик вә тәһлүкәсизлик һагда сөһбәтләрдир вә мән бүтүн партнјорлары вә медианы бу сөз бирләшмәсиндән јәни Зәнҝәзур дәһлизиндән имтина етмәјә чағырырам: “Јалныз бир дәһлиз вар, диҝәри јалныз Азәрбајҹан президентинин лексиконунда сәсләнир”.
Баш назир Никол Пашинјан да сентјабрын 13-дә Ермәнистан парламентиндә чыхыш едәрәк дејиб: "Азәрбајҹан 9 нојабр 2020-ҹи ил тарихли бәјанатыны дәјишдирәрәк, Ермәнистан әразисиндән дәһлиздән данышыр. Бизим мөвгејимиз исә ондан ибарәтдир ки, биз һеч кимә Ермәнистан әразисиндән дәһлиз вермәк фикриндә дејилик."
Баш назир ејни заманда хатырладыб ки, рәсми Ирәван Ермәнистан әразисиндән кечән јолларын ачылмасында вә блокададан чыхарылмасында мараглыр. Белә ки, бүтүн реҝион өлкәләри бу јоллардан истифадә едә биләр, о ҹүмләдән Ермәнистан, Азәрбајҹан.
Онун сөзләринә ҝөрә, 9 нојабр тарихли үчтәрәфли бәјанатын 9-ҹу бәнди јолларын блокададан чыхарылмасы илә бағлыдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!