Әһли-Бејт
(әлејһимус сәлам) – Хәбәр Аҝентлији АБНА-нын вердији мәлумата әсасән, Таҹикистанын
Гырғызыстанын сәрһәд әразиләрини атәшә тутмасы нәтиҹәсиндә 24 әсҝәр вә динҹ сакин
һәлак олуб.
Бу барәдә Гырғызыстанын Тәһлүкәсизлик Шурасынын мәтбуат катиби Марат Иманкулов дејиб.
О билдириб ки, һәрбчиләр вә динҹ сакинләр арасында өләнләр вә јаралылар вар.
Гејд едәк ки, бу ҝүн сәһәр саатларындан етибарән Таҹикистан-Гырғызыстан сәрһәдиндә ҝенишмигјаслы дөјүшләр башлајыб вә баш верән гаршыдурма нәтиҹәсиндә 87 нәфәр хәсарәт алыб.
Гырғызыстан Сәһијјә Назирлијинин мәлуматында дејилир: “Сентјабрын 17-и сәһијјә тәшкилатларына дахил олан зәрәрчәкәнләрин сајы 103 нәфәр тәшкил едиб ки, онлардан 5-и амбулатор мүалиҹәјә ҝөндәрилиб”, - дејә мәлуматда гејд олунуб.
Бу арада хәбәр верилир ки, Гырғызыстан вә Таҹикистан сәрһәдиндә баш верән һадисәләри Коллектив Тәһлүкәсизлик Мүгавиләси Тәшкилатынын (КТМТ) Катиблији диггәтлә изләјир.
КТМТ сөзчүсү Владимир Зајнетдинов дејиб ки, атәшкәсин әлдә едилмәсини вә һәр ики тәрәфин сәрһәдчиләри арасында данышыгларын башламасы зәруридир. Гаршылыглы анлашма илә проблем һәлл едиләҹәк вә конфликтин шиддәтләнмәсинә имкан верилмәјәҹәк. Конфликт јалныз сүлһ јолу илә чөзүлмәлидир, инсанларын өлүмүнә имкан вермәк олмаз.
Хатырладаг ки, һәр ики өлкә КТМТ үзвүдүр.
Диггәт: Хәбәрдән Истифадә Етдикдә Мәнбәјә Истинад Лазымдыр!