Сәфирлијин сөзчүсү Американын Сәсинин сорғусуна ҹавабда билдириб: “АБШ инаныр ки, давамлы диалог, давамлы әлагә васитәсилә, о ҹүмләдән јүксәк сәвијјәләрдә, биз узунмүддәтли вә һәртәрәфли сүлһә көмәк етмәк үчүн мүмкүн олан һәр шеји едә биләрик.”Сөзчү бу анлашылмаз ифадәдән сонра сөзләрини белә давам едиб: “Даһа әввәл дедијимиз кими, Азәрбајҹанын мүстәгиллији вә суверенлијинин АБШ-дан бөјүк дәстәкчиси јохдур.”
АБШ сәфирлијинин адамы бу өлкә сәфиринин Шушаја дәвәт олунмасына бахмајараг Шушанын адыны дилинә белә ҝәтирмәдән сөзләрини белә давам етдириб: Америка Бирләшмиш Штатлары Сәфирлијинин әмәкдашлары Ағдам, Зәнҝилан вә Фүзули дә дахил олмагла Азәрбајҹанын бүтүн бөлҝәләринә ҝениш шәкилдә сәфәрләр едибләр вә етмәкдә давам едирләр.
О Азәрбајҹан Республикасынын ишғалдан азад едилмиш бөлҝәләри ифадәсиндән имтина едәрәк бүтүн бөлҝәләринә сәфәрдән данышыб ејни заманда бу кими сәфәрләрин дә тәмәннасыз һәјата кечмәдијини вә Американын марагларыны тәмин етмәк наминә реаллашдығына белә ејһам вуруб: “Сәфирлијин әмәкдашлары тәһлүкәсизлик, сәһијјә, енержи вә игтисади инкишаф кими мүһүм мәсәләләрдә Азәрбајҹанла әлагә гурмаг үчүн өлкәнин бүтүн бөлҝәләринә сәфәрләр едир.”
Азәрбајҹан Президентинин көмәкчиси Һикмәт Һаҹыјев августун 27-дә Азәрбајҹанда аккредитә олунмуш чохсајлы дипломатларын, бејнәлхалг тәшкилатларын әмәкдашларынын Азәрбајҹан һөкумәти рәрәфиндән Шуша шәһәринә тәшкил едилмиш сәфәри заманы дејиб ки, Франса вә АБШ-ын Азәрбајҹандакы сәфирләри Шушаја тәшкил едилән сәфәрдә иштирак етмир. АБШ-ын Бакыдакы сәфирлијинин әмәкдашы исә бу тәнгидә ҹавабда Шушанын адыны белә дилинә ҝәтирмәк истәмәјиб.
Һикмәт һаҹыјев һәмини ачыгламасында әлавә олараг дејиб: “Онлар Азәрбајҹан һөкумәтинин дәвәтинә ачыг шәкилдә етинасызлыг ҝөстәрдиләр. Биз буну әрази бүтөвлүјүмүзә гаршы һөрмәтсизлик кими гәбул едирик. Франса вә АБШ АТӘТ-ин Минск Групунун һәмсәдрләри кими 30 ил әрзиндә мүнагишәнин һәллинә төһфә вермәјибләр. Онлар 30 ил Азәрбајҹанын заманыны итирдиләр. Бу сәфәрә гошулмамагла онлар бир даһа етинасызлыг нүмајиш етдирдиләр,” Һаҹыјев гејд едиб.
342/