АБНА24 Хәбәр Верир , Тәсним Хәбәр Аҝентлији АБШ президенти Ҹо Бајденин Мүстәгиллик Ҝүнү мүнасибәтилә Азәрбајҹан Республикасынын дөвләт башчысына ҝөндәрдији мәктубу тәһлил едиб.
АБШ президенти гејд едиб ки, Русијанын Украјнаја гаршы мүһарибә илә бејнәлхалг тәһлүкәсизлијин әсас сүтунларыны сырадан чыхармаға чалышдығы бу глобал гејри-сабитлик дөнәминдә Америка Азәрбајҹанын мүстәгиллији вә суверенлијинә өз дәстәјини бир даһа тәсдигләјир.
Әслиндә АБШ Азәрбајҹан Республикасына хәбәрдарлыг едир ки, Русија һеч бир ојун гајдасыны танымыр вә сабаһ Азәрбајҹанын мүстәгиллијинә вә суверенлијинә проблем јарана биләр. Јәни әҝәр АБШ-ын јанында олсаныз, сизи Русијадан горујаҹағыг, әкс һалда биз Азәрбајҹанын јанында ола билмәрик.
Бајденин бу ачыгламасы елә бир һалдадыр ки, Бирләшмиш Штатларын Азәрбајҹана һеч вахт симпатијасы олмајыб вә өлкәнин суверенлијинә тәһдид јаранан заман 907-ҹи дүзәлишлә онун суверен һүгугларыны зәрбә алтында гојду.
Бајденин мәктубунда сонра гејд олунур ки, Ҹәнуби Гафгазда давамлы сүлһә наил олмаг үчүн мүһүм имкана бәсләнән үмид заманыдыр. Америка Бирләшмиш Штатлары Азәрбајҹан илә Ермәнистан арасында дипломатик тәмасларын интенсивләшдирилмәсинә көмәк етмәјә һазырдыр.
АБШ президенти һәмчинин Азәрбајҹаны Мәркәзи Асијанын Хәзәрјаны өлкәләри илә бирликдә Авропаја енержи ихраҹында әсас тәрәфдаш адландырмагла әслиндә Русијаны Авропа нефт-газ базарындан чыхармаг нијјәтини ортаја гојуб, Хәзәр һөвзәсинин енержи ресурсларындан истифадә етмәјә чағырыб.
Икинҹиси, Бајден ејһам вурур ки, бу реҝионлардан енержи еһтијатларыны Авропаја өтүрмәк үчүн Русија тәкҹә Гафгаздан дејил, һәм дә Мәркәзи Асијадан чыхмалыдыр вә Америка президенти бунун әсас шәртләрдән бири кими Азәрбајҹан Республикасынын Ермәнистанла бирбаша Русијасыз дил тапмасыны вә бөлҝәдә Кремлин васитәчилијинә сон гојулмасыны төвсијә едиб.
Бајденин мәктубунда тәшвиг вә тәләбләрлә јанашы тәһдидләр дә ҝөзә чарпыр. О јазыр: “Биз Азәрбајҹаны демократик идарәчилик вә бүтүн азәрбајҹанлыларын әсас һүгуг вә азадлыгларыны горујан ислаһатлар истигамәтиндә мәгсәдјөнлү аддымлар атмаға чағырырыг”.
Бу месаж АБШ-ын Азәрбајҹан Республикасындан ҝөзләнилән ҹавабы алмадығы тәгдирдә мүхалиф груплары һөкумәтә гаршы гызышдыраҹағына вә онлары дәстәкләјәҹәјинә даир ҹидди бир тәһдиддир.
Бир сөзлә, мәктубда тәшвиг вә тәклифлә јанашы тәһдид дә вар.
342/
мәнбә : ABNA24
çərşənbə
25 may 2022
17:46:48
1260883
АБШ Азәрбајҹан Республикасындан ҝөзләдији ҹавабы алмазса, мүхалиф груплары һөкумәтә гаршы гызышдыраҹағына вә онлары дәстәкләјәҹәјинә ејһум вурурб.