АБНА24 Хәбәр Верир , АБШ Президенти Ҹо Бајден Мүстәгиллик Ҝүнү мүнасибәтилә Азәрбајҹан президенти Илһам Әлијевә тәбрик мәктубу ҝөндәриб.
Мәктубда дејилир: “Азәрбајҹанын Украјнанын суверенлијинә дәстәји, һабелә Украјнаја ҝөстәрдији һуманитар вә енержи саһәсиндә јардымы ваҹиб исмарыш верир. Биз, һәмчинин сизин терроризмә гаршы глобал мүбаризәјә вердијиниз әһәмијјәтли төһфәләринизи тәгдир едирик.
АБШ президенти гејд едиб ки, Русијанын Украјнаја гаршы мүһарибә илә бејнәлхалг тәһлүкәсизлијин әсас сүтунларыны сырадан чыхармаға чалышдығы бу глобал гејри-сабитлик дөнәминдә Америка Азәрбајҹанын мүстәгиллији вә суверенлијинә өз дәстәјини бир даһа тәсдигләјир.
Бајденин бу ачыгламасы елә бир һалдадыр ки, онун дөвләти Гарабағ ермәниләринә јени статусун верилмәсиндә вә узунмүддәтли сијаси һәлл јолунун тапылмасында исрарлы галараг Азәрбајҹан Республикасынын дилајысы илә әрази бүтөвлүјүнү вә суверенлијини шүбһә алтында гојмагда давам едир. Лакин Америка президентинин Илһам Әлијевә мәктубунда Русија тәһлүкәсини хатырладараг суверенлик ифадәсини ишләтмәси онун тәфригәчи нијјәтиндән хәбәр верир вә бунунла да Бајден Азәрбајҹанда Русијаја гаршы дүшмәнчилик овгаты јаратмаг истәјир.
Бајденин мәктубунда сонра гејд олунур ки, Ҹәнуби Гафгазда давамлы сүлһә наил олмаг үчүн мүһүм имкана бәсләнән үмид заманыдыр. Америка Бирләшмиш Штатлары Азәрбајҹан илә Ермәнистан арасында дипломатик тәмасларын интенсивләшдирилмәсинә көмәк етмәјә һазырдыр.
Мараглыдыр ки, Азәрбајҹан дөвләтиндән фәргли олараг Бирләшмиш Штатлар Гарабағ мүнагишәсинин һәлә там һәлл олунмадығы гәнаәтиндәдир.
Бу барәдә Дөвләт Департаментинин сөзчүсү Нед Прајс-ын да ачыгламасы диггәт чәкир.
О дүнән Туран Хәбәр Аҝентлијинин мүхбири илә мүсаһибәдә дејиб: "Биз Дағлыг Гарабағ мүнагишәси илә бағлы бүтүн һәлл едилмәмиш мәсәләләрин һәртәрәфли һәлли јолларыны тапмаг вә һәртәрәфли сүлһ сазиши бағламагла нормаллашдырмаҝа чағырырыг".
Прајс һәмчинин Азәрбајҹан үчүн битмиш Минск Групунун мөвҹудлуғуна тохунараг дејиб: “Биз АТӘТ-ин Минск групунун һәмсәдри кими Ермәнистана вә Азәрбајҹана бу сәјләрдә көмәк етмәјә һазырыг”.
342/
мәнбә : ABNA24
bazar
22 may 2022
10:37:01
1259692
Америка президенти Бакынын Украјнаја јардымыны јүксәк гијмәтләндириб вә онун Русијадан мәсафә сахламалы олдуғуна ејһам вуруб.