Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Азәрбајҹан Республикасынын Әмәк вә Әһалинин Сосиал Мүдафиәси Назирлијинин табелијиндәки Сосиал Хидмәтләр Аҝентлији 2011-2017-ҹи илләр арасында Гәрби Асија өлкәләриндә Сурија вә Ираг һөкүмәтләринә гаршы мүһарибәјә ҝөндәрилән вә ИШИД, Нүсрә, Ливау Шам әл-Муһаҹирин вә с кими вәһһаби террор груплашмаларында дөјүшән азәрбајҹанлы әһли-сүннә вәл ҹәмаә ардыҹылларынын Ираг вә Суријадан репатриасија олунмуш арвад вә ушаглары илә бағлы гијмәтләндирмә әсасында сосиал реабилитасија планы һазырлајыб.
Назирликдән верилән хәбәрә ҝөрә, сәјјар формада һәјата кечирилән психоложи консултасијалар заманы травма сонрасы мүшаһидә олунан әламәтләрин кәскинлији гијмәтләндирилир.
Нәтиҹәсинә ујғун олараг һәм репатриасија едилмиш ушаглар, һәм дә аилә үзвләри илә психоложи вә сосиал-психоложи дәстәк ишләри апарылыр.
Апрел ајы әрзиндә артыг 20 аиләјә сәфәрләр едилиб вә 46 нәфәри ушаг олмагла, үмумиликдә 57 репатриантла 62 сеанс һәјата кечирилиб.
2018-ҹи илин август ајындан етибарән Азәрбајҹан вәтәндашлары мәрһәләли шәкилдә репатриасија едилир. Һәмин шәхсләрин реабилитасија вә ре-интеграсијасы аидијјәти дөвләт гурумлары илә бирҝә һәјата кечирилир.
Диггәт: Хәбәрдән Истифадә Етдикдә Мәнбәјә Истинад Лазымдыр!