АБНА24 Хәбәр Верир , Серҝеј Лавров Украјнадакы биоложи лабораторијаларын фәалијјәти илә бағлы арашдырмалара еһтијаҹ олдуғуну билдириб. Онун сөзләринә ҝөрә, АБШ-ын биоложи силаһлара нәзарәтин әлејһинә олмасы Вашингтонун диҝәр өлкәләрдә биоложи силаһлар һазырламаг ҹәһдләринин гејри-инсани маһијјәтини ҝөстәрир вә онлар бу силаһлардан дүшмәнләринә вә рәгибләринә гаршы истифадә етмәк нијјәтиндәдир.
Русијанын Украјнаја һүҹуму заманы биоложи лабораторијаларын јерләшдији бәзи әразиләри зәбт етмәси бу мәркәзләрин фәалијјәтинин маһијјәтинин нәдән ибарәт олдуғуну ифша етди, хүсусән дә һәмин мәркәзләрдә АБШ Мүдафиә Назирлијинин малијјәси вә дәстәји илә фәалијјәт ҝөстәрән мүхтәлиф патоҝенләрин истеһсалы ашкар едилиб.
Бир мүддәт әввәл Русијанын БМТ-дәки даими нүмајәндәси Васили Небензиа билдириб ки, Украјна АБШ Мүдафиә Назирлијинин бирбаша дәстәји илә һәрби биоложи програм чәрчивәсиндә тәһлүкәли лајиһәләр һәјата кечирир вә бу фәалијјәтләрин Украјна әразисиндә вә Русијанын гәрб сәрһәдләри јахынлығында һәјата кечмәси Русијанын вә реҝионун биоложи тәһлүкәсизлији үчүн реал тәһлүкәдир.
Пентагонун бирбаша дәстәји илә Украјнада дағыдыҹы биоложи фәалијјәтин данылмаз сүбутларына бахмајараг, Вашингтон бу сүбутларын гејри-дәгиг олдуғуну иддиа етмәкдә давам едир. Дөвләт Департаменти иддиа едир ки, Вашингтонун Украјнада һеч бир лабораторијасы јохдур, сүбутлар исә Пентагонун бу лабораторијалары бирбаша идарә етдијини вә подратчыларын биолоҝија илә бағлы лајиһәләр һәјата кечирдијини ҝөстәрир.
Мүшаһидәчиләрин фикринҹә, Совет Иттифагы дағыландан сонра Вашингтон постсовет өлкәләриндә биоложи силаһ лабораторијаларынын јарадылмасына хүсуси диггәт јетирди. АБШ 1972-ҹи илдә ратификасија едилмиш вә 1975-ҹи илдән гүввәдә олан Биоложи Силаһлар Конвенсијасына үзв олса да, әслиндә мүхтәлиф нөв гејри-инсани силаһларын һазырланмасында габагҹыл өлкәдир. Бундан әлавә, бу лабораторијаларын, хүсусән дә Русија вә Чинә јахын өлкәләрдә јерләшмәси фактики олараг АБШ-ын ики әсас бејнәлхалг рәгибинә гаршы биоложи тәһдидләр јаратмаг нијјәтини ортаја гојур. Шүбһәсиз ки, АБШ һакимијјәт органларынын өзләри дә бу мәркәзләрдә баш верән биоложи фәалијјәтин дағыдыҹы вә чох тәһлүкәли олдуғуну јахшы билир вә буна ҝөрә дә Пентагонун бу лабораторијаларла әлагәсини һеч бир шәкилдә гәбул етмирләр.
Русија Дөвләт Думасынын Хариҹи Әлагәләр Комитәсинин сәдри Леонид Слотски дејиб: “Москва дәфәләрлә хәбәрдарлыг едиб ки, АБШ-ын биоложи лабораторијалары динҹ характерли дејил вә онлар бир сыра постсовет өлкәләриндә јерләшир”.
Беләликлә дә Вашингтон вә Кијевин бејнәлхалг өһдәликләрини јеринә јетирмәмәләри, илк нөвбәдә исә Биоложи Силаһларын Гадаған едилмәси Конвенсијасыны ачыг шәкилдә позмалары мүшаһидә олунур.
342/
мәнбә : ABNA24
bazar ertəsi
2 may 2022
11:59:16
1254134
Русијанын ХИН башчысы Украјнада биоложи фәалијјәтләрә даир арашдырманын апарылмасыны тәләб едиб.