АБНА24 Хәбәр Верир ,Бајден Ағ Евдә етдији чыхышында бу мигдарда малијјә вәсаитинин Русијаја гаршы һүҹум үчүн дејил Украјнаја көмәк үчүн олдуғуну дејиб.
Украјналылара јахын ајларда Русијанын һүҹумуну дәф етмәкдә көмәк үчүн 33 милјард доллар лазымдыр. Малијјә јардымы бу малијјә или үчүн нәзәрдә тутулуб, дејә администрасија нүмајәндәси Туран-ын мүхбиринә билдириб.
Гејд едилән вәсаитин 20,4 милјард доллары һәрби јардыма вә тәһлүкәсизлијин тәмин едилмәсинә - 5 милјард силаһ јардымы, 8,5 милјард доллар игтисади јардым, 3 милјард доллар һуманитар вә әрзаг јардымыдыр.
"Бу вәсаит фасиләсиз артиллерија, зиреһли техника, танк вә һава һүҹумундан мүдафиә васитәләри ахыныны тәмин едәҹәк. Бу, һәмчинин АБШ гошунларынын НАТО өлкәләри әразисиндә јерләшдирилмәсинә дәстәк сајәсиндә НАТО-нун тәһлүкәсизлик системини мөһкәмләндирәҹәк", дејә Ағ Евин нүмајәндәси журналистләрә билдириб.
Русија Президенти Владимир Путин исә сраға ҝүн Санкт-Петербургда Ганунвериҹиләр Шурасынын иҹласында етдији чыхышында гәрб дөвләтләринин Украјнада Русијаја гаршы фәалијјәтләри барәдә хәбәрдарлыг етди: “Украјнадакы вәзијјәтә кимсә кәнардан мүдахилә етсә, илдырымсүрәтли ҹаваб олаҹаг”,- дејә Путин билдирмишди.
Бунун ардынҹа Русија ХИН сөзчүсү Украјнанын Русијаја НАТО-дан алдығы силаһларла зәрбә вурмасы илә бағлы фикирләрин өлкәсинин сәрт реаксијасына сәбәб олаҹағы хәбәрдарлығыны етди.
342/
мәнбә : ABNA24
şənbə
30 aprel 2022
11:20:03
1253326
АБШ президенти Ҹо Бајден ҹүмәахшамы Конгресдән Русијаја гаршы Украјнаја дәстәк үчүн силаһ вә диҝәр јардым мәгсәдилә 33 милјард доллар ајрылмасына иҹазә истәјиб.