Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Суданын Дарфур бөлҝәсиндә ики гәбилә арасында тоггушмаларда хејли сајда инсан өлүб.
Апрелин 24-дә Крејник бөлҝәсиндә африкалы вә әрәб тајфалары арасында баш верән тоггушмаларда 170-ә јахын адам өлүб, онларла инсан јараланыб.
Тоггушмалар нәтиҹәсиндә минләрлә сакин јахынлыгдакы шәһәрләрә гачмаға мәҹбур олуб.
Өлкәнин гәрбиндә 5 штатдан ибарәт Дарфур бөлҝәсиндә һәр ил јүзләрлә инсан өлүр, минләрлә инсан тајфаларарасы гаршыдурмалара ҝөрә дидәрҝин дүшүр. Әһалинин әлиндә чохлу сајда фәрди силаһын олдуғу бөлҝәдә тајфалар арасында торпаг, отлаг вә су еһтијатлары үстүндә гаршыдурмалар баш верир.
Судандакы гәбилә мүнагишәләри 2019-ҹу илин апрел һәрби чеврилишиндән сонра гурулан кечид һөкумәтинин өлкәдә һәртәрәфли сүлһә наил олмасы үчүн әсас манеәләрдән бири олараг галыр. БМТ-нин мәлуматына ҝөрә, 2003-ҹү илдә Гәрби Суданын Дарфур бөлҝәсиндә һөкумәт гүввәләри илә силаһлы груплар арасында башлајан тоггушмаларда 3 милјон инсан дидәрҝин дүшүб, 300 миндән чох инсан һәлак олуб.
Диггәт: Хәбәрдән Истифадә Етдикдә Мәнбәјә Истинад Лазымдыр!