АБНА24 Хәбәр Верир , АБШ Дөвләт Департаментинин сөзчүсү Нед Прајс сөјләјиб: Јердә галан ихтилафлар вар. Биз јердә галан мәсәләләрин һәлл едилмәсини фәал шәкилдә изләјирик, чүнки һәлә дә инанырыг ки, гаршылыглы сурәтдә Бирҝә Әһатәли Фәалијјәт Планынын там шәкилдә иҹрасына гајыдыш, атом силаһларынын јајылмамасы мәзијјәтләрини бизә төһфә верәҹәк; бу да сон дәрәҹә бизим милли тәһлүкәсизлијимизин хејринәдир.
Америка Вјана мүзакирәләринин нәтиҹәјә чатмамасы илә бағлы, неҹә дејәрләр, топу Иранын мејданчасына атдығыны/ вә һазыркы намәлум вәзијјәтдә Теһраны мүгәссир ҝөстәрмәјә чалышыр. Һалбуки Иран дәфәләрлә өз тәләбләрини ачыг-ајдын шәкилдә дилә ҝәтириб.
Иран нүвә ирәлиләјишләри истигамәтиндә ири аддымлар атыб вә әслиндә елә бу мәсәлә, Бајден һөкумәтини, Иранын нүвә анлашмасы өһдәликләринин иҹрасына гаршылыглы шәкилдә гајыдышы мәгсәдилә анлашмаја ҝери дөнмәк кими, һазыркы јанашмаја вадар едибдир.
Иран дәфәләрлә бүтүн санксијаларын ләғви, бу мәсәләнин дүзҝүнлүјүнүн јохланылмасы, еләҹә дә јенидән нүвә анлашмасындан чыхмамаг барәдә Америка тәрәфиндән тәзминатын верилмәси кими, бу саһәдәки принсипиал мөвгејини елан едиб вә онларын реаллашмасыны истәјиб.
Теһран билдирибдир ки, әҝәр америкалы тәрәф реал шәкилдә һәрәкәт едәрсә, Вјанада анлашмаја наил олмаг имканы вар.
342/
мәнбә : ABNA24
şənbə
23 aprel 2022
18:16:46
1250916
«Өтән ајларда Вјана мүзакирәләриндә диггәтәлајиг ирәлиләјишләримиз олду. Ихтилафлар вар вә разылыға чатмағын заманы дәгиг сурәтдә мәлум дејил». Бу сөзләри АБШ Дөвләт Департаментинин сөзчүсү дејиб.