Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, сионистләрин ишғал етдикләри Фәләстин әразиләриндә јени ҹинајәтләри вә Мәсҹидүл-Әгсанын тәһгир олунмасынын ардынҹа Үмумдүнја Әһли-Бејт (ә) Ассамблејасы бәјанат јајыб.
Бәјанатын там мәтни беләдир:
Аллаһын ады илә
“Өз бәндәсини ҝеҹә вахты Мәсҹидулһарамдан әтрафына хејир-бәрәкәт вердијимиз Мәсҹидуләгсаја апаран (Аллаһ) пак вә мүгәддәсдир.” әл-Исра сүрәси ајә 1
Рамазан ајы дүнја мүсәлманларынын мәсҹидләрә, ибадәтләрә вә Гуран тилавәтинә, дуалара даһа чох диггәт јетирдији бир ајдыр. Диҝәр динләрә етигад едәнләр дә бу ајда мүсәлманларын дини ајинләрә бағлылығыны јүксәк гијмәтләндирир, һәтта бәзиләри мүсәлманларла бирликдә оруҹ тутурлар.
Амма Илаһи әмрләрдән узаг олмагла јанашы, инсанлыг вә мәрһәмәт гохусу ҝәлмәјән ҹинајәткар сионист режим гәсбкар мүһаҹирләрин әлләрини ачыг гојур вә һәр ил бу Аллаһ ајы олан Рамазан ајында дүнјанын ән мүгәддәс дини јерләриндән бирини тәһгир едирләр.
Гүдс тәкҹә мүсәлманлар үчүн Мүгәддәс дејил, диҝәр Ибраһими динләрин ардыҹыллары үчүн дә мүгәддәсдир вә Мәсҹидүл-Әгса мүсәлманларын илк гибләси вә Һәзрәт Пејғәмбәрин (с) мераҹа јүксәлдији мәкан үнванында о мүгәддәс шәһәрин гаранлығында ләл-ҹәваһир кими парлајыр.
Инди неҹә олур ки, гәсбкар сионист режим мәләкләрин ениш етдији мәкана белә һөрмәтсизлик едир; Нәинки Ислам һөкумәтләриндән бир сәс чыхмыр, һәтта бәзи әрәб лидерләри һәлә дә бу хәрчәнҝ шиши илә мүнасибәтләри нормаллашдырмаг барәдә дүшүнүрләр?! Бәс нијә өзүнү позулмуш инсан һагларынын мүдафиәчиси һесаб едән бејнәлхалг тәшкилатлар инсанлыға гаршы олан бу ҹинајәтләр гаршысында өз вәзифәләрини јеринә јетирмирләр?!
Үмумдүнја Әһли-Бејт (ә) Ассамблејасы - Ислам дүнјасынын јүзләрлә елитасынын үзвү олдуғу бејнәлхалг тәшкилат олараг, Мәсҹидүл-Әгсада баш верән сон һадисәләри писләјир вә мәзлум вә мүгавимәтли Фәләстин халгына там дәстәјини билдирир.
Ассамблеја һәмчинин өз үзвләрини, еләҹә дә Ислам өлкәләринин динләринин диҝәр мүһүм хадимләрини, алим вә мүтәфәккирләрини, дүнја азадлыгсевәрләрини, инсан һаглары тәшкилатларыны вә сүлһ тәшкилатларыны ишғалчыларын зүлмүнү писләмәклә јанашы мүгәддәс јерләри мүдафиә етмәјә вә мүдафиәсиз Фәләстин халгыны дәстәкләмәјә чағырыр.
Шүбһәсиз ки, мүгавимәтин сону гәләбә, зүлм вә һәдди ашмағын сону исә ағрылы Илаһи әзабдыр.
“Биз бу ахирәт јурдуну јер үзүндә тәкәббүрлүк етмәјәнләрә вә фитнә-фәсад төрәтмәјәнләрә гисмәт едәрик.” әл-Гәсас сүрәси ајә 83
Үмумдүнја Әһли-Бејт (әлејһимуссалам) Ассамблејасы
31 Фәрвәрдин 1401
20 Апрел 2022
Диггәт: Хәбәрдән Истифадә Етдикдә Мәнбәјә Истинад Лазымдыр!