Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, јахын ҝүнләрдә сүлһ вә инсан һаггларындан дәм вуран Исвечдә рәсмиләр тәрәфиндән Гурани-Кәримин тәһгир едилмәси дүнјада резонанса сәбәб олду. Бу вәһшиликә вә Илаһи дәјәрләрин алчалдылмасына етираз олараг Үмумдүнја Әһли-Бејт (ә) Ассамблејасы бәјанат јајараг бу чиркин әмәли писләјиб.
Бәјанатын там мәтни беләдир:
Бисмиһи Тәала
Диҝәр динләрин бир чох ардыҹылларынын да мүсәлманларла һәмрәј олдуглары, онларын инанҹ вә ајинләринә һөрмәт етдикләри мүгәддәс Рамазан ајында Исвечин сијаси партијаларындан биринин дуруб Гурани-Кәрими ашағылајараг, тәһгир етмәси бүтүн мүсәлманларын вә азад инсанларын гәлбини ағрытды.
Ики милјарда јахын инсанын инанҹларына гаршы бу ачыг-ашкар һүҹума, онларын дининә вә Илаһи китабына едилән тәһгирә дөзмәк вә ја сусмаг гејри-мүмкүндүр. Бу һәрәкәт әввәлки илләрдә мүгәддәс Пејғәмбәри (с) тәһгир едән карикатура вә филмин чәкилмәси кими ијрәнҹ вә нифрәт долу ҹәһдләрин тәкрарыдыр.
Бу ҹүр ағылсыз вә екстремист һәрәкәтләр иргчи вә мәнфур һәрәкәтләрдир ки, Ислам үммәтинин һиссләрини гызышдырмагла јанашы, нифрәт вә зоракылығы аловландырыр, бирҝәјашајыш чағырышы вә дүнја сүлһүнүн реаллашмасы истигамәтиндә һәрәкаты тәһлүкә алтына алыр...
Үмумдүнја Әһли-Бејт (ә) Ассамблејасы бу чиркин вә гејри-инсани аддымы писләмәклә јанашы, Исвеч һөкумәти вә парламентини ганун гәбул етмәклә динләрин әгидә вә китабларына гаршы тәһгири ҹинајәт һесаб етмәјә вә белә һадисәләрин тәкрарланмасынын гаршысыны алмаға чағырыр.
Исвеч һөкумәти вә диҝәр Авропа өлкәләри бу ашкар принсипи танымалы вә тәсдиг етмәлидир ки, һеч бир Илаһи динин мүгәддәсликләри “ифадә азадлығы” бәһанәси илә тәһгир едилә билмәз.
Үмүмдүнја Әһли-Бејт (ә) Ассамблејасы
31 Фәрвәрдин 1401
20 Апрел 2022
Диггәт: Хәбәрдән Истифадә Етдикдә Мәнбәјә Истинад Лазымдыр!