Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Үмумдүнја Әһли-Бејт (ә) Ассамблејасы Кабулун гәрбиндә Шиә мәктәбли ушагларына гаршы төрәдилән јени террор актлары илә бағлы бәјанат јајыб.
Үмүмдүнја Әһли-Бејт (ә) Ассамблејасынын бәјанатында дејилир:
Шәһидләрин вә Садиг инсанларын Рәббинин Ады илә
“Кабул Тебјан Мәркәзи”, “Дәшт Бәрчи Шәһидләр Мәктәби” вә “Кундуз вә Гәндәһарда Шиә Мәсҹидләри”ндә төрәдилән террор актларында Ислам үммәтинин шаҝирдләри, тәләбәләри вә әзиз өвладларынын иткисинин һүзнү вә үрәк дағы сојумамыш нөвбәти бир ҹинајәтин вә террор һадисәсинин дәһшәти үрәкләримизә јахды.
Аллаһ вә халг дүшмәнләри кечән илин мүбарәк Рамазан ајы кими бу ил дә Кабулда мәзлум шиәләрин мәктәбләринә һүҹум едәрәк чохлу ҝүнаһсыз инсанлары гәтлә јетирдиләр; Бәс бу ағрыны һара апараг ки, төрәдилән ҹинајәтләрин һәдәфи ҝүнаһсыз ушаглар вә јенијетмәләр олуб.
Үмумдүнја Әһли-Бејт (ә) Ассамблејасы әзиз Әфганыстан халгына, хүсусилә дә бу фаҹиәнин гурбанларынын аиләләринә башсағлығы верәрәк һәмрәјлик ифадә едир вә бу ҹинајәти гәтијјәтлә писләјир вә белә вәһши һүҹумларын сәбәбкарларынын ҹәзаландырылмасыны тәләб едир.
Ассамблеја һәмчинин Әфганыстанда Шиә вә Сүнниләрин, бүтүн ирги вә етник групларын бирлијинин зәрурилијини бир даһа вурғулајыр вә өлкә рәһбәрләрини сөз верилдикләри кими Шиәләрин елми, тәһсил, мәдәни вә дини објектләринин тәһлүкәсизлијини тәмин етмәјә чағырыр...
Диггәт: Хәбәрдән Истифадә Етдикдә Мәнбәјә Истинад Лазымдыр!