АБНА24 Хәбәр Верир ,АБШ Президентинин администрасијасынын рәсмиси јени јардым пакетинин 36 саат әрзиндә тәсдигләнмәсинин мүмкүн олдуғуну гејд едиб.
Әҝәр 800 милјон доллар һәҹминдәки бу јардым пакети тәсдигләнәрсә АБШ-ын Украјнаја 24 феврал тарихиндән сонра етдији һәрби јардымларын үмуми һәҹминин 3,4 милјард доллара чатаҹағы билдирилиб.
Гејд едәк ки, өтән ҝүн АБШ Президенти Ҹо Бајден журналистләрин суалына ҹавабында өлкәсинин Украјнаја әлавә артиллерија васитәләри ҝөндәрәҹәјини тәсдигләјиб.
Украјнаны силаһландыран диҝәр гәрб өлкәси Алманија исә Украјна үчүн өзәл ширкәтләрдән силаһ алыр.
Алманија канслери Олаф Шолтс Берлиндә кечирдији мәтбуат конфрансында дејиб ки, Алманијанын Украјнаја ҝөндәрә биләҹәји силаһ еһтијјатлары түкәниб, лакин Кијевин еһтијаҹларына јардым мәгсәди илә өзәл һәрби техника истеһсалчылары илә иш апарылаҹаг.
“Биз бу чатдырылмаларын пулуну өдәмәк нијјәтиндәјик”, - дејә канслер билдириб.
Шолтс вурғулајыб ки, Алманија Украјнаја әһәмијјәтли тәсир ҝүҹүнә малик силаһлары артыг тәдарүк едиб вә силаһ истеһсалчылары илә Кијевин танк әлејһинә вә һава һүҹумундан мүдафиә системләри илә тәмин едилмәси истигамәтиндә ишләјәҹәк.
Алманија канслери Русија ордусунун Украјнада гәләбәсинә имкан верилмәмәсинин ваҹиблијини вурғулајыб.
“АИ вә НАТО-дакы тәрәфдашларымызла бирликдә Русијанын бу мүһарибәдә галиб ҝәлмәмәси фикриндә тамамилә јекдилик”, - дејә Шолтс билдириб.
Норвеч дә Украјнаја һава һүҹумундан мүдафиә үчүн нәзәрдә тутулмуш 100 “Мистрал” зенит-ракет комплекси ҝөндәриб.Бу барәдә Норвечин Мүдафиә Назирлији билдириб. Гејд олунуб ки, системләр артыг Украјнаја тәһвил верилиб.
342/
мәнбә : ABNA24
cümə axşamı
21 aprel 2022
11:46:56
1250210
АБШ Украјна үчүн 800 милјон доллар дәјәриндә нөвбәти тәһлүкәсизлик јардымы пакетини һазырлајыр.Бу барәдә ҸНН-ә АБШ Президентинин администрасијасынын ады ачыгланмајан үч рәсмиси вә мәсәлә илә таныш олан әлавә ики мәнбә мәлумат вериб.