Ағ Ев үчүн приоритет јенә дә ермәниләрин мәнафејидир - ТӘҺЛИЛ

АБНА24 Хәбәр Верир ,Вашингтон Ермәнистана вә Азәрбајҹана сүлһ ахтарышында көмәк етмәјә һазыр олдуғуну тәсдиг едиб.

Бу барәдә Дөвләт Департаментинин рәсми нүмајәндәси Нед Прајс ҝүндәлик брифингдә дејиб: "Биз Ермәнистаны вә Азәрбајҹаны дипломатик әмәкдашлығы давам етдирмәјә вә Дағлыг Гарабағ мүнагишәси илә бағлы вә ја ондан ирәли ҝәлән бүтүн һәлл едилмәмиш мәсәләләрин һәртәрәфли һәллинин ахтарышы үчүн мөвҹуд механизмләрдән истифадә етмәјә, һәртәрәфли сүлһ сазиши бағламагла мүнасибәтләри нормаллашдырмаға чағырырыг".

АБШ-ын ролуна ҝәлинҹә, һөкумәт рәсмиси гејд едиб ки, Бирләшмиш Штатлар әввәлки кими, о ҹүмләдән АТӘТ-ин Минск Групунун һәмсәдри гисминдә Ермәнистана вә Азәрбајҹана бу сәјләриндә көмәк етмәјә һазырдыр. Мөвҹуд механизмләрдән данышаркән, әлбәттә ки, АТӘТ-ин Минск Групу онларын бир һиссәсидир.

Хатырладаг ки, америкалы һәмсәдр Ендрју Шофер базар ертәси Ермәнистан баш назири Никол Пашинјанла ҝөрүшүб вә Дағлыг Гарабағ мүнагишәсинин һәртәрәфли һәллиндә "МГ һәмсәдрләри форматынын ролуну" мүзакирә едиб. Шоферин Ирәвандан Бакыја ҝәләҹәји ҝөзләнилир.

Минск Групунун мөвҹудлуғуна АБШ рәсмиләринин ејһам вурмасы елә бир һалдадыр ки, Русијанын ХИН башчысы бу јахынларда АБШ илә Франсанын сөзү ҝедән формат чәрчивәсиндә Москва илә әмәкдашлыгдан имтина етдикләрини бәјан етмиш вә групун дағылдығыны вурғуламышды.

Американын мөвгејиндә белә гәнаәт һасил етмәк олар ки, рәсми Вашингтон даһа чох Минск Групу чәрчивәсиндә Ермәнистанын вә еләҹә дә Гарабағдакы сепаратчыларын марагларыны тәмин етмәјә чалышыр. Чүнки групун кечмишдәки сәнәдләриндә бир сыра мәсәләләр барәдә о ҹүмләдән Гарабағын статусу вә ермәниләрин мүгәддәратры ишиндә Азәрбајҹанын үзәринә мүәјјән өһдәликләр гојулуб вә Минск Групунун бурахылмасы Вашингтону бу имкандан мәһрум едә биләр. Ејни заманда америкалылар Азәрбајҹанла Ермәнистан арасында мөвҹуд олан ихтилафларын һәллинин Русијаја һәвалә едилмәсинин әлејһинәдирләр. Белә бир шәраитдә истисна дејил ки, Русија Ермәнистаны компромисә вадар етмәклә Ҹәнуби Гафгаздакы мөвгеләрини мөһкәмләтмәјә чалышаҹаг вә Азәрбајҹан Республикасыны өз орбитинә дахил етмәјә наил олаҹагдыр. Зира һазырда Гәрбин Гарабағла бағлы мөвгеји рәсми Бакыны о гәдәр дә гане етмир.



342/