Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Кабилин гәрбиндә Шиәләрин јашадығы әразидә тәлим мәркәзләриндә төрәдилән силсилә террор актлары нәтиҹәсиндә бир нечә ушаг вә јенијетмә шәһид олуб вә ја јараланыб.
Әфганыстан медиа мәнбәләри билдириб ки, илк партлајыш Кабилин гәрбиндәки Гале-Но бөлҝәсиндәки хүсуси мәктәбдә баш вериб вә һадисә шаһидләри бир нечә нәфәрин јараландығыны билдириб.
Биринҹи партлајышдан сонра Кабилин гәрбиндәки “Әбдүл Рәһим Шәһид” мәктәбиндә исә ардыҹыл ики партлајыш баш вериб.
Партлајышлары тәсдигләјән Кабил полисинин сөзчүсү Халид Зәрдан дејиб: “18-ҹи мәһәлләдә Әбдүл Рәһим Шәһид мәктәбиндә баш верән үч мүхтәлиф партлајыш һәмјерлиләримизин өлүмү илә нәтиҹәләниб”.
Әбдүл Рәһим Шәһид мәктәбинин мүәллими Зәкәријјә Үлфәт “Афҝанистан Даилј Ынформатион” гәзетинә билдириб ки, илк һүҹум тәләбәләр мәктәби асудә вахтларында тәрк едәркән баш вериб.
Зәкәријјә Үлфәт, биринҹи партлајыш нәтиҹәсиндә тәхминән 20-25 шаҝирдин шәһид олдуғуну ачыглајараг, әлавә едиб: “Икинҹи партлајыш баш верән заман мәктәбдә мүәллимләр шаҝирдләрин һәјатыны хилас етмәк үчүн онлары тәһлүкәсиз дәһлизләрдә јерләшдирән һалда икинҹи партлајыш баш верди”.
Диггәт: Хәбәрдән Истифадә Етдикдә Мәнбәјә Истинад Лазымдыр!