Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, сионист режим һәлә дә 105 фәләстинли шәһидин мејитини моргда вә даһа 256 шәһидин ҹәназәсини Әргам гәбиристанлығында сахлајыр.
Фәләстинин Информасија Назирлијинин јајдығы һесабата әсасән, ҹәсәдләрдән 9-нун ушаглара, 3-нүн гадын шәһидләрә вә 8 ҹәсәдин исә мүхтәлиф вахтларда сионист режимин әсирлијиндә сахланылан мәһбуслара аид олдуғу билдирилир.
Апрелин әввәлинә олан мәлумата ҝөрә, Иордан чајынын гәрб саһилиндә 16 нәфәр вә Фәләстинин 1948-ҹи илә ујғун олан әразиләриндә онларла мәзлум фәләстинли јәһуди ишғалчылары тәрәфиндән шәһид едилиб ки, онлардан 7-синин ҹәназәси һәлә дә аиләләринә чатдырылмамышдыр.
Һесабатда гејд олунур ки, ушаг гатили олан гондарма сионист Исраил режими 1948-дән башлајараг Фәләстини ишғал етдији илк ҝүндән етибарән 2015-ҹи илә кими фәләстинли шәһидләрин ҹәназәләрини әлә кечирмәјә давам едир.
Мејитләрин сахланмасы чох вахт мүлки шәхсләрин јәһуди ишғалчылары тәрәфиндән гәсдән өлдүрүлмәси илә әлагәдардыр. Һәм дә өлүмдән сонра инсан ләјагәтинин тәһгир олунмасы вә инсан һүгуглары гануну вә бејнәлхалг протоколлары позараг коллектив ҹәза нөвү олдуғуна ҝөрәдир.
Һесабатда гејд олунур ки, сионист режим шәһидләрин аиләләрини даим тәшвиш ичиндә сахламаг вә јахынларынын талејиндән нараһат олмаг үчүн бу һијләдән истифадә едир.
Диггәт: Хәбәрдән Истифадә Етдикдә Мәнбәјә Истинад Лазымдыр!