Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Апрелин 28-и, базар ҝүнү саат 12:30 радәләриндә Пенсилванија штатынын Питтсбург шәһәринин Шәрг Аллеҝһенј мәһәлләсиндә баш верән атышмада ики ушаг ҝүлләләниб, ән азы он нәфәр јараланыб.
Атышма 200-ә јахын азјашлы ушагларын иштирак етдији бөјүк шәнлик заманы кирајәлик евдә баш вериб. Јерли мәнбәләрин мәлуматына ҝөрә, евә 50-јә јахын ҝүллә атылыб.
Бир нечә ҝүллә атылдыгдан сонра јаранан ҝәрҝинлик ушагларын евин гапы-пәнҹәрәләринә ахышмасына сәбәб олуб, нәтиҹәдә бир нечә ушаг пәнҹәрәдән јыхылыб, хәсарәтләр алыб вә сүмүкләри сыныб.
Һесабатлар Аирбнб кирајә системи васитәсилә иҹарәјә ҝөтүрүлмүш мәнзилин хариҹиндә бир нечә ҝүлләнин ачылдығыны ҝөстәрир.
Полис һәлә ки, һүҹум едәнин вә ја һүҹум едәнләрин адыны ачыгламајыб вә атәшин мотиви илә бағлы ачыглама вермәјиб.
Диггәт: Хәбәрдән Истифадә Етдикдә Мәнбәјә Истинад Лазымдыр!