Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Ҹүмә ҝүнү (15 апрел) Мәсҹидүл-Әгса комплексинә силаһлы басгын едән ишғалчы Исраил режиминин вәһши чевик полиси алајы ән азы 152 фәләстинли ибадәтчини јаралајыблар.
Фәләстин Гызыл Ајпара Ҹәмијјәтинин мәлуматына ҝөрә, фәләстинлиләрин чоху резин ҝүлләләр, сәс бомбалары вә ушаг гатили, ишғалчы Исраил режиминин вәһши полисинин дәјәнәкләриндән јараланыб.
Сионист режим медиаларынын билдирдијинә ҝөрә, Ҹүмә ҝүнү гәдим Гүдс шәһәриндә јерләшән Әгса Мәсҹидиндә баш верән тоггушмалар кечән илки Гәзза Мүһарибәсиндә олдуғу кими даһа бөјүк бир мүнагишәнин јенидән башламасы рискини артырыб.
Әл-Әгса мәсҹиди, ишғалчы Исраил режиминин фәләстинлиләрә вә мүсәлман өлкәләринә гаршы башлатдығы 1967-ҹи ил мүһарибәсиндә ишғал етдији Шәрги Гүдсдәки тәпәдә јерләшир вә мүсәлманларын илк гибләси, Ислам пејғәмбәринин (сәлләллаһу әлејһи вә алиһ) Мераҹа ҝетдији мәкан вә мүгәддәс зијарәтҝаһ сајылыр.
Диггәт: Хәбәрдән Истифадә Етдикдә Мәнбәјә Истинад Лазымдыр!