Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Мәдинә Шиәләринин танынмыш симасы вә мәрһум Ајәтуллаһ Шејх “Мәһәммәд Әли Әл-Өмри”нин оғлу Һөҹҹәтүл-Ислам вә Мүслимин Шејхи “Казым Әл-Өмри” вәһһаби Сәудијјә режиминин һәбсханасындан азад едилиб.
О, өтән илин февралында һәбс едилиб; Амма сәбәб бәлли дејилди!
Шејх Казым Әл-Өмри Мәдинәдә бөјүк тәглид һакимијјәтинин вәкилидир вә һеч бир сијаси фәалијјәти јохдур. 2010-ҹу илин јајында о, Сәудијјә Әрәбистанынын тәһлүкәсизлик гүввәләри тәрәфиндән 20 ҝүн сахланылыб вә намәлум јерә көчүрүлүб.
Онун азадлыға бурахылмасы елә бир вахта тәсадүф едиб ки, бир сыра дини вә сијаси хадимләр, еләҹә дә Сәудијјә Әрәбистанынын мүхтәлиф шәһәрләриндән олан Шиә фәаллар Сәудијјә һөкумәтинин рәсмиләри илә данышыглар апарыб вә онун дәрһал азадлыға бурахылмасыны тәләб едибләр.
Диггәт: Хәбәрдән Истифадә Етдикдә Мәнбәјә Истинад Лазымдыр!