Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Пакистанын баш назири Имран Хан Пакистан халгыны хариҹи дөвләтләрин (Американын) Пакистанын дахили ишләринә етдији мүдахиләјә етираз етмәк үчүн Пакистанын бүтүн шәһәрләриндә ҝенишмигјаслы нүмајишләр кечирмәјә чағырыб.
О, ачыг шәкилдә билдириб: “Мәни девирмәк ҹәһди АБШ-ын Пакистанын дахили сијасәтинә ачыг-ашкар мүдахиләсидир.”
Имран Хан әлавә едиб ки, Пакистанын Вашингтондакы сәфири мартын 8-дә АБШ рәсмиләри илә ҝөрүшүб вә рәсми ҝөрүшдә тәһдид мәктубу алыб ки, Имран Хан һакимијјәтдән узаглашдырыларса, Пакистаны бағышлајаҹағыг вә әкс һалда бунун нәтиҹәләри олаҹаг.
Пакистанын баш назири гејд едиб: “(АБШ рәсмиләри) Русијаја сәфәринин Имран Ханын шәхси гәрары олдуғуну иддиа едирләр. Гәрар Хариҹи Ишләр Назирлији, орду вә јүксәк сәвијјәли гурумларла мәсләһәтләшмәләрдән сонра гәбул едилиб.”
Имран Хан һеч вахт истефа вермәјәҹәјини, парламентин сәсвермәсини ҝөзләјәрәк, һеч вахт һеч кимә бојун әјмәјәҹәјини, Пакистан халгынын һеч кимә тәслим олмасына имкан вермәјәҹәјини вә “бу ојуну сона гәдәр давам етдирәҹәјини” әлавә едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!