Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Түркијәнин хариҹи ишләр назири Чавушоғлу ҝәлән мај ајында Түркијәнин енерҝетика назири илә ушаг гатили ишғалчы сионист режимин гондарма пајтахты Тәл-Әвивә сәфәр едәҹәк.
Түркијәнин хариҹи ишләр назири Фәләстини ишғал етмиш сионист режиминә сәфәри заманы ики тәрәф арасында сәфир тәјинаты мәсәләсини мүзакирә едәҹәк.
Чавушоғлунун сәфәри рлә бир һалда баш верир ки, март ајында гејри-легал Исраил режиминин гондарма президенти Исһаг Һерсогун Әрдоғанын дәвәти илә Түркијәјә рәсми ишҝүзар сәфәр етмишдир. Бу, 2008-ҹи илдән сонра сионист рәсминин Түркијәјә илк сәфәри иди. О, сон 14 илдә Түркијәјә сәфәр едән илк сионист лидер олуб вә Анкарада Рәҹәб Тајјиб Әрдоғанла ҝөрүшүб.
Исраил президентинин сәфәриндән әввәл Түркијәнин јүксәк вәзифәли рәсмиләриндән ибарәт нүмајәндә һејәти ишғал олунмуш әразиләрә сәфәр едиб, Исраил президенти вә диҝәр рәсми шәхсләрлә ҝөрүшүб.
Рәҹәб Тајјиб Әрдоған Рамазан ајындан сонра Исраилин баш назири Нафтали Беннеттлә дә ҝөрүшәҹәк.
Түркијә вә сионист режимин 2018-ҹи илин мај ајындан бәри Анкара вә Тәл-Әвивдә сәфирләри јохдур.
Бундан әввәл Анкара вә Тәл-Әвив 2010-ҹу илдә Исраил гүввәләринин түрк һуманитар јардымыны фәләстинлиләрә апаран ҝәмијә һүҹуму нәтиҹәсиндә 9 түрк мүлки фәалы өлдүрдүкдән сонра сәфирләрини ҝери чағырыб.
Сон илләрдә Түркијә илә сионист режим арасында дипломатик мүнасибәтләрин сәвијјәсинин ашағы дүшмәсинә бахмајараг, игтисади әлагәләрин һәҹминдә артым тенденсијасы мүшаһидә олунур.
Түркијә Статистика Тәшкилатынын (ТҮИК) мәлуматына ҝөрә, ики өлкә арасында тиҹарәт дөвријјәсинин һәҹми сон 5 илдә артараг, өтән ил 8,4 милјард доллара чатыб. 2020-ҹи илдә Түркијә илә Исраил арасында тиҹарәт дөвријјәсинин сәвијјәси 6,2 милјард доллар тәшкил едир.
Түркијәнин 2021-ҹи илдә ишғал олунмуш әразиләрә ихраҹы 35,1% артараг 6,4 милјард доллара чатыб ки, бу да тарихин ән јүксәк ҝөстәриҹисидир. Түркијә һәмчинин 2021-ҹи илдә Исраилдән 2,1 милјард доллар дәјәриндә мал вә хидмәт идхал едиб.
Диггәт: Хәбәрдән Истифадә Етдикдә Мәнбәјә Истинад Лазымдыр!