Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јәмәнин Әнсаруллаһ һәрәкатынын лидери Сејид Әбдүлмәлик Бәдруддин әл-Һуси јахынлашан мүбарәк Рамазан ајы мүнасибәти илә етдији чыхышда бу мүнасибәтлә тәбрик едәркән дејиб: “Јәмәнә гаршы тәҹавүзүн сәккизинҹи или сәси бүтүн дүнјаны бүрүјән “Мүһасирәни јармаг 3” әмәлијјаты илә башлады”.
Һәрәкатын үч ҝүнлүк биртәрәфли атәшкәс еланындан сонра етдији чыхышда о, Сәудијјә Әрәбистаны вә БӘӘ-нин башчылыг етдији әрәб тәҹавүз коалисијасынын үзвү олан дөвләтләрә төвсијә едиб: “Бу фүрсәтдән истифадә един, чүнки фүрсәти әлдән вердијиниз үчүн сонра пешман олаҹагсыныз”.
Јәмәнин Әнсаруллаһ һәрәкатынын лидери әлавә едиб: “Тәҹавүз вә мүһасирәнин гаршысыны алмаг үчүн сәјләримизи әсирҝәмәјәҹәјик вә мүһасирәнин давам етмәсини гәтијјән гәбул етмәјәҹәјик”.
Әл-Һуси вурғулајыб ки, тәҹавүзкарларын һүҹумларымыздан вә тәләјә дүшдүјү батаглыгдан сағ чыхмагларынын јеҝанә јолу Јәмәнә гаршы тәҹавүзү вә мүһасирәни дајандырмагдыр.
Диггәт: Хәбәрдән Истифадә Етдикдә Мәнбәјә Истинад Лазымдыр!