Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, өтән ҝүн, ҹүмә ахшамы, мартын 17-си 2022 тарихдә, сәһәр радәләриндә Алманијанын “Шимали Рејн-Вестфалија” әјаләтинин “Мүнстер” шәһәринин полис гүввәләри шәһәрдәки Имам Меһди (ә) адына Мәсҹидә вә Ислам Мәркәзинә һүҹум едәрәк орада јохлама апарыблар.
50-јә јахын полисин иштиракы илә һәјата кечирилән бу гәрибә басгын сәһәр саат 6-да башлајыб вә дөрд саата јахын давам едиб!
Полисин билдирдијинә ҝөрә, бу һүҹум вә тәфтиш Имам Меһди (ә) мәсҹидинин фәалијјәтинә гадаға гојмаг вә әмлакларыны мүсадирә етмәк үчүн һәјата кечирилиб.
Һүҹума сәбәб олан иттиһам “Ливан Һизбуллаһы партијасына бағлы шәхсләрин бу мәркәздә намаз гылмалары” олуб.
Гејд етмәк лазымдыр ки, Алманија 2020-ҹи илдән башлајараг Ливанда һүгуги статуса малик олан вә дүнја терроризминә гаршы мүбаризәнин өндәри сајылан Һизбуллаһ Һәракатынын бүтүн фәалијјәтләрини гадаған ед. Әҝәр Һизбуллаһ 2011-ҹи илдән 2015-ҹи илә кими Сурија вә Ирагда авропадан ҝәлән террорчу вәһһабиләри мәһв етмәсәјди инди бәлкә дә террорчулар вәтәнләри авропаја гајыдыб орада террор актлары илә мәшғул олурдулар.
Диггәт: Хәбәрдән Истифадә Етдикдә Мәнбәјә Истинад Лазымдыр!