Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, аллерҝија хәстәләри чичәкләмә мөвсүмүндән ики-үч һәфтә әввәл дәрман гәбул етмәјә башламалы, һәмчинин әввәлҹәдән хүсуси пәһриз сахламалыдырлар.
Бу барәдә Москва Сәһијјә Департаментинин јеткин сакинләрин сағламлығы үзрә баш мүтәхәссиси Андреј Тјажелников баһар фәслинин ҝәлиши илә әлагәдар тозланмадан әзијјәт чәкәнләрә төвсијәләриндә билдириб.
О изаһ едиб ки, һипоаллерҝен пәһриз заманы ситрус мејвәләри, гоз-фындыг, мүәјјән әдвијјатлар, балыг, какао пахласы мәһсуллары, рәнҝли тәрәвәзләр, мејвә вә ҝиләмејвә, јумурта, бал, еләҹә дә јағлы, ширин мәһсулларын истифадәси истисна едилир, јахуд ән азы ҹидди шәкилдә мәһдудлашдырылыр.
“Әҝәр кондисионер јохдурса вә мәнзилин һаваландырылмасы лазымдырса, о заман пәнҹәрәләрә ҹуна тута биләрсиниз ки, тозҹугларын отаға дахил олмасынын гаршысыны алсын. Һава нәмләндириҹиси алмаг вә рүтубәт сәвијјәсини сахламаг да мәсләһәт ҝөрүлүр”, - Тјажелников әлавә едиб.
О вурғулајыб ки, чичәкләмә дөврүндә јағышлы һавада ҝәзмәк јахшыдыр, мешәјә, парка ҝетмәк исә елә дә төвсијә олунмур.
Диггәт: Хәбәрдән Истифадә Етдикдә Мәнбәјә Истинад Лазымдыр!