Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, ишғалчы Исраил һәрбчиләри тәрәфиндән ҝүлләләнәрәк өлдүрүлән фәләстинли ҝәнҹин дәфн мәрасиминдән сонра Наблус шәһәринин шималындакы Бәрга кәндиндә сионист һәрбчиләрлә фәләстинлиләр арасында тоггушмалар баш вериб.
Сионист ордусу фәләстинлиләрә гаршы дөјүш башлыглары, метал ҝүлләләр вә ҝөзјашардыҹы газдан истифадә едиб. Өзүнү мүдафиә едән фәләстинли ҝәнҹләр исә ҹүһүд ишғалчыларына даш атыблар.
Фәләстинли мәнбәләрин билдирдијинә ҝөрә ишғалчы јәһудиләри илә баш верән амансыз тоггушмалар нәтиҹәсиндә онларла ҝүнаһсыз фәләстинли мүхтәлиф дәрәҹәли бәдән хәсарәтләри алараг јараланыблар.
Гејд едәк ки, Бәрга кәндиндән олан 23 јашлы Әһмәд Һекмәт Сеиф бир нечә ҝүн әввәл Исраил гүввәләри илә фәләстинлиләр арасында баш верән тоггушма заманы јараланыб вә алдығы јараларын ағырлығына ҝөрә чәршәнбә ҝүнү сәһәр шәһид олуб.
Диггәт: Хәбәрдән Истифадә Етдикдә Мәнбәјә Истинад Лазымдыр!