Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, БМТ-нин баш катиби Пакистанда Шиә мәсҹидинә едилән дәһшәтли һүҹуму “Дәһшәт” адландырыб вә буну гәти шәкилдә писләјиб.
БМТ-нин баш катиби Антонио Гутерреш һәлак оланларын аиләләринә вә Пакистан һөкумәтинә башсағлығы вериб, јаралананларын тезликлә сағалмасыны арзулајыб.
БМТ-нин баш катиби вурғулајыб ки, һүҹума ҝөрә мәсулијјәт дашыјанлар ҹаваб вермәлидир.
Гејд едәк ки, Пишәвәрдә "Имамијә" мәсҹидиндә ҹүмә намазы заманы камикадзенин тәшкил етдији һүҹуму вә атышмасы нәтиҹәсиндә азы 56 ибадәтчи һәјатыны итириб.
Пакистан полиси партлајыш нәтиҹәсиндә 190 нәфәрин јараландығыны, онлардан бәзиләринин вәзијјәтинин ағыр олдуғуну билдириб.
ИШИД террор груплашмасы ҹүмә ҝүнү ҝеҹә Пакистанда Пишәвәр шиә мәсҹидинә интиһарчы һүҹумуна ҝөрә мәсулијјәти үзәринә ҝөтүрүб.
Диггәт: Хәбәрдән Истифадә Етдикдә Мәнбәјә Истинад Лазымдыр!