Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Јәмән Кәшфијјат мәнбәләри өлкәдә азы 9 муздлу Судан әсҝәринин өлдүрүлдүјүнү билдириб.
Франсанын АФП хәбәр аҝентлијинин вердији мәлуматына ҝөрә, Әнсаруллаһ гүввәләри Јәмәнин шималында ишғалчы Сәудијјә коалисијасына мәхсус һәрби базаја ракет зәрбәләри ендириб, нәтиҹәдә азы 9 Судан әсҝәри мәһв олуб, 30-дан чоху исә јараланыб.
Өлән вә јаралананлар Сәудијјә Әрәбистанынын Јәмән әлејһинә рәһбәрлик етдији ишғалчы һәрби коалисијанын үзвләридир. Јәмәнлиләр Сәудијјә Әрәбистаны илә сәрһәд зонасындакы Һәҹҹә бөлҝәсиндә јерләшән һәрби базаны һәдәфә алыблар.
Јәмәндә дағыдыҹы вәтәндаш мүһарибәси вә Сәудијјә Әрәбистанынын Јәмән әлејһинә рәһбәрлик етдији һәрби коалисијанын ҝеҹә-ҝүндүз һәрби әмәлијјатлары јүз минләрлә инсанын һәјатына сон гојуб вә милјонларла инсаны дидәрҝин салыб вә бу ону мүасир тарихин ән дәһшәтли һуманитар вәзијјәтләриндән биринә чевириб. Лакин Јәмән Укранија олмадығы үчүн дүнја империалист медиа гүввәләри бу фаҹиәни илләрдир ки унутганлыға вә ҝөрмәмәзлијә вурурлар.
Диггәт: Хәбәрдән Истифадә Етдикдә Мәнбәјә Истинад Лазымдыр!