Әһли-Бејт (әлејһимус сәлам) – Хәбәр Аҝентлији АБНА-нын вердији мәлумата әсасән, Талибанын әмәлијјат рәһбәри Сираҹуддин Һаггани бу ҝүн Кабилдә бир груп полис академијасы забитинин бурахылыш мәрасиминдә илк дәфә медиа гаршысына чыхыб.
Кабилдәки Талибан Тәһлүкәсизлик Команданлығынын сөзчүсү Халид Задран Сираҹуддин Һагганинин шәклини јајыб.
Бундан әввәл Сираҹуддин Һаггани-нин симасы медиаја вериләркән түнд рәнҝдә вә билинмәз формада дәрҹ олунуб.
Гејд едәк ки, Талибан даһа әввәл тәһлүкәсизликлә әлагәдар олараг лидерләринин шәкилләринин јајымланмајаҹағыны, тәһлүкәсизлик мәсәләләри һәлл едилдикдән сонра онларын шәкилләринин јајымланаҹағыны билдирмишди.
Һаггани шәбәкәсинин рәһбәри вә Талибанын әмәлијјат голунун сәдри олан Сираҹуддин Һагганинин ады АБШ-ын гара сијаһысындадыр вә АБШ онун һәбсинә ҝөрә 10 милјон доллар мүкафат тәјин едиб.
Хатырладаг ки, Талибан һәмчинин Талибанын лидери олан Моллаһибәтуллаһ Ахундзадәнин үзүнү дә медиаја ҝөстәрмир.
Диггәт: Хәбәрдән Истифадә Етдикдә Мәнбәјә Истинад Лазымдыр!